تۇركيادا 10 جاستاعى قازاقستاندىق جالعىز قالدى: Air Astana جاعدايدى ءتۇسىندىردى
الماتى. KAZINFORM — ون جاستاعى قازاقستاندىق بالا ەكى تاۋلىك تۇركيا اۋەجايىندا جالعىز قالعان.
2024-جىلدىڭ 21-جەلتوقسانىندا 10 جاستاعى بالا فۋتبولشىلار توبىنىڭ قۇرامىندا الماتى-انتاليا ۇشاعىمەن ك س915 رەيسىمەن فۋتبول لاگەرىنە كەتكەن. تۇركياعا كەلگەننەن كەيىن بالا ءتولقۇجاتىنىڭ جوق ەكەنىن بايقاعان. بۇل تۋرالى زاڭگەر دانيلحان شاعاتايەۆ مالىمدەدى.
- تىركەۋدەن ءوتۋ، قول-جۇكتەرىن تەكسەرۋ جانە ۇشاققا وتىرعىزۋ كەزىندە بالانىڭ موينىنا ارنايى سومكەگە سالىنعان بارلىق قاجەتتى قۇجاتتارى بولعان. تۇركياعا جەتكەن كەزدە بالا ءوزىنىڭ حالىقارالىق ءتولقۇجاتىنىڭ جوعالىپ كەتكەنىن ءبىلىپ، بۇل تۋرالى Air Astana قىزمەتكەرىنە حابارلاعان، ءبىراق ءتولقۇجات تابىلماعان، - دەپ جازدى ول.
ناتيجەسىندە ءتولقۇجاتى جوق بالا تۇركيادا پاسپورتتىق شەكارالىق باقىلاۋدان وتە الماي، بالا ەكى كۇن بويى، ياعني 21-جەلتوقسانىنان 23-جەلتوقسانىنا دەيىن اۋە كومپانياسىنىڭ وكىلدەرىنسىز دەپورتاتسيا بولمەسىندە جالعىز بولعانى دا ايتىلادى.
ال، Air Astana اۋەكومپانياسى جولاۋشىلاردى تاسىمالداۋدىڭ حالىقارالىق نورمالارىن قاتاڭ ساقتايتىنىن جەتكىزدى. بالالاردى الىپ ءجۇرۋ قىزمەتى زاڭدى وكىلدەن بالانى قابىلداۋدى، ۇشۋ كەزىندە ونىڭ قاۋىپسىزدىگىن قامتاماسىز ەتۋدى جانە ۇشىپ كەلگەن كەزدە زاڭدى وكىلگە بەرۋدى قامتيدى. بۇل رەتتە قۇجاتتار مەن جەكە زاتتار ءۇشىن جولاۋشىنىڭ ءوزى جاۋاپتى.
- ب ا ق- تا جاريالانعان وقيعاعا بايلانىستى اۋەكومپانيا انتاليا اۋەجايىنداعى ءتولقۇجات باقىلاۋىندا ءبىر توپ بالالارمەن جۇرگەن بالانىڭ ءتولقۇجاتىنىڭ جوق بولعانى انىقتالعان. رەيسكە رەسىمدەۋ كەزىندە قۇجات جولاۋشىدا بولدى، بۇل بەينەجازبامەن راستالادى. اۋەكومپانيا قىزمەتكەرلەرى ءتولقۇجاتتى ءوز بەتىمەن ىزدەدى، ءبىراق، وكىنىشكە وراي، قۇجات تابىلمادى. اۋەكومپانيا ق ر كونسۋلدىعىن بولعان وقيعا تۋرالى جەدەل حاباردار ەتتى، - دەپ اتاپ ءوتتى اۋە كومپانيادان.
سونداي-اق Air Astana اۋەكومپانياسى دەپورتاتسيالاۋ تۋرالى شەشىمدى سول ەلدىڭ كوشى-قون قىزمەتى قابىلدايتىنىن مالىمدەدى.
- سونداي-اق، بالانى ۇستاۋ شارتتارىن تۇركيانىڭ كوشى-قون قىزمەتى بەلگىلەيدى. ءوز تاراپىنان اۋەكومپانيا بالانى ءۇش رەتتىك تاماقپەن جانە پسيحولوگيالىق قولداۋمەن قامتاماسىز ەتتى جانە جاعدايدى تەز ارادا شەشۋ ءۇشىن ق ر كونسۋلدىعىمەن جانە تۇركيانىڭ كوشى-قون قىزمەتىمەن تۇراقتى بايلانىستا بولدى. بۇل جاعدايدا اۋەكومپانيا كوشى-قون قىزمەتىنىڭ ۇيعارىمىن ورىنداۋعا مىندەتتى جانە ول ورىندالدى: بالا قازاقستانعا تىكەلەي رەيسپەن قايتارىلدى. بۇل ءۇشىن ەرەجەگە سايكەس ونىڭ كەرى بيلەتى پايدالانىلدى، - دەپ ءتۇسىندىردى Air Astana اۋەكومپانياسىنىڭ باسپا ءسوز قىزمەتى.
ەسكە سالا كەتەيىك، بۇعان دەيىن ورال قالاسىنىڭ قوس تۇرعىنى، ەگىزدەر - زاۋرە مەن زەرە امەريكاداعى ءتىل مەكتەبىنەن استانا ارقىلى كەرى ۇشىپ شىققانىن، ەلورداعا امان جەتكەن قوس جاس ءوسپىرىمنىڭ ءبىرى استانا - ورال باعىتىندا ۇشقان «FlyArystan» اۋەكومپانياسىنىڭ ۇشاعىنان قالىپ قويعانىن جازعان بولاتىنبىز.
