تۇركيا اسكەري ءونىم ەكسپورتى بويىنشا جاڭا رەكورد ورناتتى
استانا. KAZINFORM - تۇركيا 2025 -جىلدىڭ اقپان ايىندا قورعانىس جانە اەروعارىش ونىمدەرى ەكسپورتىنىڭ ماكسيمالدى ءوسىمىن كورسەتتى، دەپ حابارلايدى Kazinform مەنشىكتى ءتىلشىسى.
رەسمي دەرەكتەرگە سايكەس، ەكسپورت كولەمى وتكەن جىلدىڭ سايكەس كەزەڭىمەن سالىستىرعاندا 44 پايىزعا ارتىپ، 434 ميلليوندى قۇراعان. 2024 -جىلدىڭ اقپان ايىندا بۇل كورسەتكىش 300 ميلليون دوللاردى قۇرادى.
بۇل ناتيجە حالىقارالىق نارىقتا ايتارلىقتاي ءوسىپ، كەڭەيىپ كەلە جاتقان تۇرىك قورعانىس ونەركاسىپ كەشەنى (ق و ك) ءۇشىن ماڭىزدى جەتىستىك.
بۇگىندە ەلدە اسكەري تەحنيكانى، ونىڭ ىشىندە ۇشقىشسىز ۇشۋ اپپاراتتارىن، اسكەري تىكۇشاقتاردى جانە اۋە شابۋىلىنا قارسى قورعانىس جۇيەلەرىن، سونداي-اق اەروعارىش ونەركاسىبىنە ارنالعان قۇرامداس بولىكتەردى ءوندىرۋ مەن ەكسپورتتاۋ بەلسەندى تۇردە دامىپ كەلەدى.
قورعانىس ەكسپورتىنداعى ءوسىم سونىمەن قاتار ءارتۇرلى ەلدەردىڭ قورعانىس قابىلەتىن نىعايتۋعا جانە اسكەري جۇيەلەرىن زاماناۋي ستاندارتتارعا جاڭارتۋعا ۇمتىلاتىن تۇرىك تەحنولوگيالارىنا سۇرانىستىڭ ارتۋىمەن بايلانىستى.
بۇگىندە تۇركيا الەمدىك قورعانىس ونەركاسىبىندەگى باسەكەگە قابىلەتتىلىگىن ارتتىرۋعا كومەكتەسەتىن قولجەتىمدى باعامەن جوعارى تەحنولوگيالىق شەشىمدەردى ۇسىنىپ وتىر. بۇل ونىڭ الەمدىك قورعانىس ونەركاسىبىندە باسەكەگە قابىلەتتىلىگىن نىعايتۋعا سەپتىگىن تيگىزۋدە.
بۇعان دەيىن تۇركيا قازاقستانعا ۇشقىشسىز اۆياتسيالىق جۇيەلەرىن تەگىن بەرەتىنىن جازعان بولاتىنبىز.
