تۇركيا افريكادان مۇناي مەن گاز ىزدەيدى

استانا. KAZINFORM - تۇركيا سوماليدە مۇناي جانە گاز بارلاۋ جۇمىستارىن جۇرگىزبەك. بۇل تۇركيانىڭ ەنەرگەتيكا جانە تابيعي رەسۋرستار ءمينيسترى الپارسلان بايراكتار مالىمدەدى، دەپ حابارلايدى Anadolu AjansI اقپارات اگەنتتىگى.

ءتيىستى كەلىسىمگە تۇرىك مۇناي كورپوراتسياسى (TPAO) مەن سومالي مۇناي باسقارماسى قول قويعان.

ۆەدومستۆو باسشىسىنىڭ ايتۋىنشا، كەلىسىمدە كومىرسۋتەكتەردى قۇرلىقتا بارلاۋ قاراستىرىلعان. تۇركيا مەن سومالي تەڭىز سالاسىنداعى ىنتىماقتاستىقتى كەڭەيتۋدى جالعاستىرىپ وتىر.

Anadolu AjansI حابارلاۋىنشا، تۇركيانىڭ «Oruç Reis» سەيسميكالىق زەرتتەۋ كەمەسى قازىردىڭ وزىندە سومالي جاعالاۋىنا جەتكەن. ونىمەن بىرگە Zağanos Paşa قوسالقى كەمەسىنىڭ ەكى فرەگاتى، Sancar پلاتفورمالىق تىرەۋ كەمەسى جانە Ataman بايقاۋ كەمەسى، سونداي- اق اسكەري-تەڭىز قولباسشىلىعىنا قاراستى ەكى فرەگات ەرىپ ءجۇردى.

«Oruç Reis» كەمەسى ءارقايسىسى شامامەن 5 مىڭ شارشى شاقىرىم اۋماقتى قامتيتىن ءۇش ليتسەنزيالىق ۋچاسكەدە سەيسميكالىق دەرەكتەردى جينايدى.

وسىعان بايلانىستى جۇمىستار شامامەن 7 ايعا سوزىلماق.