تۇركى مەملەكەتتەرى ۇيىمىنىڭ بەيرەسمي سامميتىندە قاراباق دەكلاراتسياسى قابىلداندى
شۋشا. KAZINFORM - ازەربايجان رەسپۋبليكاسىندا تۇركى مەملەكەتتەرى ۇيىمىنىڭ بەيرەسمي سامميتى ءوتتى. جيىن سوڭىندا تۇركى مەملەكەتتەرى ۇيىمى حاتشىلىعىن نىعايتۋ تۋرالى مەملەكەتتەر باسشىلارىنىڭ شەشىمىنە قول قويىلدى. بۇل تۋرالى اقوردانىڭ باسپا ءسوز قىزمەتى حابارلادى.
سونىمەن قاتار سامميت قورىتىندىسى بويىنشا قاراباق دەكلاراتسياسى قابىلداندى.
ايتا كەتەيىك، شۋشادا «كولىك، كوممۋنيكاتسيا جانە كليماتتىق وزگەرىستەردى باقىلاۋ ارقىلى باياندى بولاشاق قۇرۋ» تاقىرىبىندا تۇركى مەملەكەتتەرى ۇيىمى بەيرەسمي سامميتى ءوتتى.
مەملەكەت باسشىسى ءوز سوزىندە، ەڭ الدىمەن، سامميتتىڭ «كولىك، كوممۋنيكاتسيا جانە كليماتتىق وزگەرىستەردى باقىلاۋ ارقىلى باياندى بولاشاق قۇرۋ» دەگەن تاقىرىبى بارلىق ەلدىڭ مۇددەسىنە ساي كەلەتىنىن اتاپ ءوتتى.
سونداي-اق اتالعان باسقوسۋ تۇركى ەلدەرىنىڭ يگىلىگىن كوزدەيتىنىنە، دامۋدىڭ تىڭ باعىتتارىن ايقىندايتىنىنا جانە باۋىرلاستىق بايلانىستى نىعايتىپ، وڭىردەگى تۇراقتىلىقتى قامتاماسىز ەتۋگە ىقپال ەتەتىنىنە نازار اۋداردى.
قاسىم-جومارت توقايەۆتىڭ ايتۋىنشا، قازاقستان تۇركى مەملەكەتتەرى ۇيىمىنىڭ قازىرگى ءتوراعاسى رەتىندە ونىڭ قىزمەتى بارىنشا ءتيىمدى بولعانىن قالايدى.
قاسىم-جومارت توقايەۆ تۇركى مەملەكەتتەرىن كاسپي جانە ارال تەڭىزىندەگى ەكولوگيالىق ماسەلەنى بىرىگىپ شەشۋگە شاقىردى.
