تۇركى مەملەكەتتەرى ۇيىمىنىڭ سىرتقى ىستەر مينيسترلەرى ا ق ش- تا باس قوستى
استانا. KAZINFORM – ق ر سىرتقى ىستەر ءمينيسترى مۇحتار تىلەۋبەردى بىرىككەن ۇلتتار ۇيىمى (ب ۇ ۇ) باس اسسامبلەياسىنىڭ 81-سەسسياسى اياسىندا تۇركى مەملەكەتتەرى ۇيىمى (ت م ۇ) سىرتقى ىستەر مينيسترلەرى كەڭەسىنىڭ بەيرەسمي وتىرىسىنا قاتىستى.
ۆەدومستۆونىڭ باسپا ءسوز قىزمەتى اتاپ وتكەندەي، ۇيىمعا مۇشە مەملەكەتتەر ماڭعىستاۋ وبلىسىنداعى وقۋ-جاتتىعۋلارى كەزىندە قازا تاپقان قازاقستاندىق اسكەري قىزمەتشىلەردىڭ قازاسىنا بايلانىستى كوڭىل ايتتى.
- وتىرىس بارىسىندا تاراپتار ت م ۇ شەڭبەرىندەگى ىنتىماقتاستىقتىڭ قازىرگى جاعدايى مەن الداعى مىندەتتەرىن، سونداي-اق وزەكتى وڭىرلىك جانە حالىقارالىق ماسەلەلەردى تالقىلاپ، ءوزارا ءىس-قيمىلدىڭ پراكتيكالىق مازمۇنىن ارتتىرۋعا جانە تۇركى مەملەكەتتەرىنىڭ ورتاق مۇددەلەرىنە ساي كەلەتىن بىرلەسكەن باستامالاردى ىلگەرىلەتۋگە ءوز دايىندىقتارىن راستادى، - دەلىنگەن حابارلامادا.
بۇعان دەيىن وسى ايدىڭ باسىندا قاسىم-جومارت توقايەۆ ت م ۇ- عا مۇشە مەملەكەتتەردىڭ ىشكى ىستەر مينيسترلەرى كەڭەسى قارساڭىندا تۇركى ەلدەرى قۇقىق قورعاۋ ۆەدومستۆولارى باسشىلارىمەن كەزدەسۋ وتكىزگەنىن جازعان ەدىك.
