تۇرعىنداردىڭ كاسىپ باستاۋىنا جاردەمدەسپەگەن 382 شەنەۋلىك قىزمەتىنەن بوساتىلدى

Шавкат Мирзиёев
فوتو: وزبەكستان پرەزيدەنتىنىڭ باسپا ءسوز قىزمەتى

تاشكەنت. KAZINFORM - وزبەكستان پرەزيدەنتى شاۆكات ميرزيەيەۆ مەملەكەتتىك ورگان باسشىلارىمەن وتكىزگەن كەڭەس بارىسىندا تۇرعىنداردى كاسىپكەرلىككە باۋلۋ ماسەلەسىن جۇيەلى شەشپەگەن جەرگىلىكتى اتقارۋشى بيلىك وكىلدەرىن سىنعا الدى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.

وزبەكستان باسشىسىنىڭ باسپا ءسوز قىزمەتىنەن حابارلاعانداي، ءساۋىر ايىندا باستالعان تۇرعىنداردى قولداۋ جوباسىنىڭ ناتيجەسىندە 365 مىڭ ادام جۇمىسپەن قامتىلىپ، كاسىپكەرلىككە تارتىلعان.

بانكتەر نەسيە الىپ، ءوز ءىسىن باستاۋعا نيەتتى ازاماتتارمەن تىعىز جۇمىس ىستەي باستادى، سايكەسىنشە 115 مىڭ ادام ەڭبەككە ارالاستى. ماحالليالاردا 70 مىڭ ميكروجوبا جۇزەگە اسىپ، 465 مىڭ گەكتار جەرگە كوكونىس پەن جەمىس-جيدەك ەگىلدى.

«الايدا، كەيبىر ايماقتاردا جۇمىس باياۋ ءجۇرىپ جاتىر. ماسەلەن، 7 اۋدانداعى احۋالدى زەرتتەۋ بارىسىندا ونداعان ءۇي ۋچاسكەسىندە بىردە-ءبىر داقىل ەگىلمەگەنى انىقتالدى. سوندىقتان وسىنداي كەمشىلىككە جول بەرگەن اۋداندىق دەڭگەيدەگى 382 جاۋاپتى تۇلعا قىزمەتىنەن بوساتىلدى»، - دەپ ءمالىم ەتتى وزبەكستان پرەزيدەنتىنىڭ باسپا ءسوز قىزمەتىنەن.

قوسا كەتسەك، جىل باسىنان بەرى 115 مىڭ وزبەكستاندىق ەڭبەك ميگرانتى وتانىنا ورالدى. تيىسىنشە، شاۆكات ميرزيەيەۆ ولاردى جۇمىسپەن قامتۋعا جاعداي جاساۋدى تاپسىردى.

اۆتور
ءاليحان اسقار

سوڭعى جاڭالىقتار