تۇرعىن ۇيدەگى گاز جارىلىسى: ءبىر ادام اسا اۋىر حالدە

قاراعاندى. KAZINFORM - قاراعاندى وبلىسىنىڭ دەنساۋلىق ساقتاۋ باسقارماسى بوتاقارا كەنتىندە گاز جارىلىسى سالدارىنان ءۇيىندىنىڭ استىندا قالىپ، زارداپ شەككەندەردىڭ جاعدايى تۋرالى ايتىپ بەردى. ءبىر ناۋقاس اسا اۋىر حالدە جاتىر.

تۇرعىن ۇيدە جالپى 46 ادام تۇرعان. جارىلىس كەزىندە 35 ادام بولدى.

اپاتتىق-قۇتقارۋ جۇمىستارى كەزىندە ۇيىندىلەردەن قازا تاپقان 2 ادام جانە جاراقات العان 5 ادام، ونىڭ ىشىندە 3 بالا شىعارىلدى.

«ايماقتىڭ مەديتسينالىق مەكەمەلەرىنە بەس زارداپ شەككەندەر، ونىڭ ىشىندە ءۇش بالا جەتكىزىلدى. ەكى بالا امبۋلاتوريالىق ەمدەلۋگە جىبەرىلدى، ءبىر بالا وبلىستىق بالالار كلينيكالىق اۋرۋحاناسىنا قاناعاتتانارلىق جاعدايدا جەتكىزىلدى. ەكى ەرەسەك پاتسيەنتتىڭ بىرەۋى وتە اۋىر جاعدايدا (%80 كۇيىك شالعان)، ەكىنشىسىنىڭ جاعدايى قاناعاتتانارلىق. پاتسيەنتتەرگە بارلىق قاجەتتى مەديتسينالىق كومەك كورسەتىلىپ جاتىر»، - دەپ مالىمدەدى قاراعاندى وبلىستىق دەنساۋلىق ساقتاۋ باسقارماسى.

پسيحولوگ مامانداردىڭ كومەگىن قاجەت ەتكەن 25 تۇرعىنعا شۇعىل پسيحولوگيالىق كومەك كورسەتىلدى.

ەسكە سالا كەتەيىك، بۇقار جىراۋ اۋدانىنىڭ بوتاقارا كەنتىندە 30-قاڭتار ساعات 00:07-دە ەكى قاباتتى 12 پاتەرلى تۇرعىن ءۇيدىڭ ەكىنشى قاباتتاعى پاتەرىندە سيليندرلىك گاز جارىلدى. پاتەردىڭ ۇستىندەگى شاتىر، قابىرعالار مەن ەدەندەر، سونىڭ ىشىندە ءبىرىنشى قاباتتاعى پاتەرلەر تولىعىمەن قۇلادى. سونىمەن قاتار باسقا پاتەرلەر دە ءىشىنارا زاقىمدالعان.

قۇتقارۋ جۇمىستارىنا 139 ادام جانە 32 تەحنيكا جۇمىلدىرىلدى. قازىرگى ۋاقىتتا اپاتتىق-قۇتقارۋ جۇمىستارى اياقتالدى.

وقيعا ورنىندا جەدەل شتاب اشىلدى. قاراعاندى وبلىسىنىڭ ت ج د-دا 87212517223 ءنومىرى بويىنشا جەدەل جەلى تەلەفونى اشىلدى.

 

اۆتور

ايزادا اگيلبايەۆا