تۇرعىن ءۇي ساياساتىنداعى رەفورمالار باسپانا نارىعىنا قالاي اسەر ەتەدى

  قازاقستاننىڭ ريەلتورلارى بىرلەسكەن قاۋىمداستىعى پرەزيدەنتىنىڭ كەڭەسشىسى نينا لۋكيانەنكو تۇرعىن ءۇي ساياساتىنداعى رەفورمالار باسپانا نارىعىنا قالاي اسەر ەتەتىنىن ايتتى، دەپ حابارلايدى Kazinform.

«مەنىڭشە، ەش اسەرى بولمايدى. ويتكەنى، باسپانا كەزەگىندە تۇرعانداردىڭ سانى ارتىپ كەلە جاتىر. ال ولارعا ۇسىنىلاتىن شارشى مەتر سانى سۇرانىستى قاناعاتتاندىرۋعا جەتكىلىكسىز»، - دەدى نينا لۋكيانەنكو اگەنتتىك تىلشىسىنە بەرگەن سۇحباتىندا.

سونىمەن قاتار ول باسپانا نارىعىنا قانداي فاكتورلار اسەر ەتەتىنىن، كەلەشەكتە باعانىڭ وسۋىنە قانداي سەبەپتەر ىقپال ەتۋى مۇمكىن ەكەنىن ايتىپ بەردى.

«فاكتورلار وزگەرگەن جوق. قازاقستان جالپى الەمدىك ەكونوميكادان اجىراماعان. ال الەمدەگى احۋالدا بەلگىسىزدىك باسىمىراق سياقتى. باعانىڭ ءوسۋى نە تومەندەۋى ەلدىڭ ىشىندە تابىلعان ىنتاعا - ينفلياتسياعا، تەڭگەنىڭ ساتىپ الۋ قابىلەتىنە، باستاپقى جانە قايتالاما نارىقتى مەملەكەتتىك قولداۋ شارالارىنا، جىلجىمايتىن مۇلىك ساتىپ الۋعا ارنالعان قولجەتىمدى مولشەمە بويىنشا زايمداردى سۋبسيديالاۋعا جانە باسقا دا جايتتارعا بايلانىستى»، - دەدى ساراپشى.

اۆتور

مارلان جيەمباي