تۇرعىن ءۇي باعاسى ءبىر جىلدا قالاي وزگەردى

тұрғын үй
Фото: Kazinform

  ءبىر جىلدا (2022-جىلعى جەلتوقسان مەن 2023-جىلعى جەلتوقساندى سالىستىرعاندا) جاڭا تۇرعىن ۇيلەردى ساتۋ باعاسى %3,4 ءوستى، ال پاتەرلەردى قايتا ساتۋ باعالارى %3,7 تومەندەدى.

اباتتاندىرىلعان تۇرعىن ءۇيدى جالعا الۋ تولەمى 2022-جىلعى ءتيىستى ايمەن سالىستىرعاندا 2023-جىلعى جەلتوقساندا %1,6 جوعارىلادى. بۇل تۋرالى ۇلتتىق ستاتيستيكا بيۋروسىنىڭ باسپا ءسوز قىزمەتى حابارلادى.

وڭىرلەر بولىنىسىندە جاڭا پاتەرلەر نارىعىندا جىلدىق ماندە باعا قىزىلوردا -%12,6 جانە پەتروپاۆل -%10,6 قالالارىندا قىمباتتادى. قولدانىستاعى پاتەرلەر نارىعىندا باعا ءوسىمىنىڭ كوشىن اتىراۋ %8,2، قىزىلوردا %6,9 قالالارى باستاپ تۇرسا، تۇرعىن ءۇيدى جالعا الۋ نارىعىندا-جەزقازعان %33,4، كوكشەتاۋ %26,1، قاراعاندى %23 قالالارى تۇر.

ءبىر ايدىڭ ىشىندە (2023-جىلعى جەلتوقسان 2023 -جىلعى قاراشاعا) اباتتاندىرىلعان تۇرعىن ءۇيدى جالعا الۋ تولەمى %0,9، جاڭا تۇرعىن ءۇيدى ساتۋ - %0,6، پاتەرلەردى قايتا ساتۋ -%0,2 ءوستى.

2023-جىلعى جەلتوقسان ايىندا تۇرعىن ءۇيدى ساتىپ الۋ-ساتۋ بويىنشا 37818 مامىلە تىركەلگەن، ونىڭ ىشىندە جەكە ۇيلەر بويىنشا 8238 جانە كوپپاتەرلى ۇيلەردەگى پاتەرلەر بويىنشا 29580 مامىلە جاسالدى. 2023 -جىلدىڭ قاراشاسىمەن سالىستىرعاندا (31727) تۇرعىن ءۇيدى ساتىپ الۋ-ساتۋ مامىلەلەرىنىڭ سانى%19,2 عا كوبەيدى. مامىلەلەر سانى بويىنشا بۇرىنعىسىنشا الماتى (7594 -%20,1) جانە استانا (7157 -% 18,9) قالالارى، سونىمەن قاتار، قاراعاندى وبلىسى (2946 -%7,8) كوش باستاپ تۇر. مامىلەلەر سانى ۇلىتاۋ وبلىسىندا ەڭ از - 447 بىرلىك %1,2.

2023 -جىلعى قاراشامەن سالىستىرعاندا جەلتوقساندا ەڭ جوعارى ءوسىم استانا (%48,2) ، تۇركىستان وبلىسىندا %44,1 جانە شىمكەنت قالاسىندا (%30,5) تىركەلدى. ال ءبىر ايداعى ەڭ ۇلكەن تومەندەۋ سولتۇستىك قازاقستان %24، اقمولا % 4,8، سونىمەن قاتار قىزىلوردا %4,6 - وبلىستارىندا ورىن الدى.

2023 -جىلعى قاراشاعا قاراعاندا جەلتوقساندا كوپپاتەرلى ۇيلەردەگى تۇرعىن ءۇي مامىلەلەرىنىڭ سانى %22,5 (5432 مامىلەگە) ارتتى. جەلتوقسان ايىندا پاتەرلەر بويىنشا بارلىعى 29580 مامىلە جاسالدى، بۇل مامىلەلەردىڭ جالپى سانىنىڭ %78,2. كوپپاتەرلى ۇيلەردەگى تۇرعىن ءۇي ساۋداسىنىڭ نەگىزگى ۇلەسى استانا %23,7، الماتى %23,5 قالالارىنا جانە قاراعاندى وبلىسىنا %8,2 تيەسىلى. بولمەلەر سانى بويىنشا 2 بولمەلى پاتەرلەر ساتىلىمى باسىم، جەلتوقسان ايىندا ولار بويىنشا 11465 مامىلە رەسىمدەلگەن.

2023 -جىلدىڭ قاراشا ايىمەن سالىستىرعاندا، جەلتوقساندا جەكە تۇرعىن ۇيلەر بويىنشا دا مامىلە سانى كوبەيدى -%8,7 (659 مامىلەگە) ءوسىپ، 8238 قۇرادى. جەكە تۇرعىن ۇيلەر بويىنشا مامىلەلەر سانىنىڭ ەڭ كوپ ءوسىمى الماتى %39,7، شىمكەنت %38,9 جانە استانا %33,9 قالالارىندا بايقالدى. ال ءبىر ايداعى ەڭ ۇلكەن تومەندەۋ سولتۇستىك قازاقستان %18,1، قوستاناي %17,5 جانە اقتوبە %11,6 وبلىستارىندا ورىن الدى.

2023 -جىلدىڭ جەلتوقسانىندا تۇرعىن ءۇيدى ساتىپ الۋ- ساتۋ مامىلەلەرى الدىڭعى جىلدىڭ ءتيىستى ايىمەن سالىستىرعاندا %12,6 عا كوبەيگەن، ول كەزدە 33587 مامىلە رەسىمدەلگەن بولاتىن. ازايۋدىڭ ەڭ جوعارعى كورسەتكىشى اقتوبە وبلىسىندا %15,3 تىركەلدى، ال الماتى وبلىسىندا ۇلعايۋدىڭ ەڭ جوعارى كورسەتكىشى %62,3. ديناميكانىڭ تومەندەۋى 2023-ج. قاڭتار-جەلتوقسان ايلارىنداعى مامىلەلەر سانىنىڭ 2022 -ج. قاڭتار-جەلتوقسان ايلارىنداعى مامىلەلەر سانىمەن سالىستىرعاندا ازايۋى %20,5 كورسەتتى.

سوڭعى جاڭالىقتار