تۇرعىندار نازارىنا: الماتىدا تەرروريزمگە قارسى وقۋ- جاتتىعۋ وتەدى
الماتى. قازاقپارات – 12-قاراشا ساعات 08:00 دەن 15:00 گە دەيىن جەتىسۋ اۋدانىندا، بورانداي كوشەسىنىڭ بويىنداعى تەمىرجول ۋچاسكەسىندە تەرروريزمگە قارسى جوسپارلى وقۋ-جاتتىعۋ وتەدى.
قالالىق پوليتسيا دەپارتامەنتىنىڭ مالىمەتىنشە، ءىس-شارا بارىسىندا جولاۋشىلار جانە جۇك پويىزدارىنىڭ قوزعالىسىن شەكتەۋ كوزدەلمەگەن.
- وقۋ-جاتتىعۋدىڭ ماقساتى - كولىك ينفراقۇرىلىمى نىساندارىندا تەرروريزم اكتىسىنىڭ جولىن كەسۋ تەتىكتەرىن جەتىلدىرۋ. تۇرعىنداردان قاۋىپسىزدىك شارالارىن ساقتاۋدى جانە ءىس-شاراعا تارتىلعان مەملەكەتتىك ورگاندار قىزمەتكەرلەرىنىڭ زاڭدى تالاپتارىن ورىنداۋدى سۇرايمىز. سونداي-اق رەسمي اقپارات كوزدەرىنە عانا سۇيەنىپ، جالعان اقپارات تاراتۋدان اۋلاق بولۋعا شاقىرامىز، - دەپ حابارلادى پوليتسيادان.
سونىمەن قاتار ق ر اقبتك 443-بابىنا سايكەس، قوعامدىق ءتارتىپتى قامتاماسىز ەتۋگە قاتىساتىن ادامنىڭ زاڭدى تالابىنا باعىنباۋ اكىمشىلىك جاۋاپكەرشىلىككە اكەپ سوعاتىنى ەسكەرتىلدى.
ەسكە سالايىق، بۇعان دەيىن الماتى اۋەجايىندا جۇمىسشى قازا بولۋىنا بايلانىستى ءىس قوزعالدى.
