ترامپتىڭ قىتايعا ساپارى مۇناي نارىعىنا قالاي اسەر ەتتى
الماتى. KAZINFORM - الەمدىك مۇناي باعاسى بەيسەنبى كۇنى ازداپ قۇبىلىپ تۇر.
19-قاراشا كۇنى تاڭەرتەڭ Brent ماركالى مۇنايدىڭ فيۋچەرستەرى باررەلىنە 91,89 دوللار دەڭگەيىندە ساۋدالاندى. بۇل الدىڭعى كورسەتكىشتەن 0,06 دوللارعا نەمەسە %0,07 عا تومەن.
امەريكالىق WTI ماركالى مۇنايدىڭ باعاسى باررەلىنە 82,91 دوللار بولدى. بۇل الدىڭعى كورسەتكىشتەن 0,35 دوللارعا نەمەسە %0,42 عا از.
رەسەيلىك Urals ماركالى مۇنايدىڭ باعاسى 0,03 دوللارعا نەمەسە %0,04 عا تومەندەپ، باررەلىنە 71,07 دوللار بولدى.
تاياۋ شىعىستان مۇناي جەتكىزىلىمىنىڭ ءۇزىلۋ قاۋپى باعاعا اسەر ەتۋدى جالعاستىرىپ وتىر. بۇعان دەيىن يەمەندىك حۋسيتتەر ەر-ريادتىڭ باتىسىنداعى ەكى مۇناي ايداۋ ستانتسياسىنا دروندارمەن شابۋىل جاساعانىن مالىمدەگەن ەدى. ولاردىڭ ايتۋىنشا، شابۋىلدان كەيىن نىسانداردا ءورت شىققان.
سونىمەن قاتار نارىق قاتىسۋشىلارى قىتاي ءتوراعاسى شي جينپيڭ، رەسەي پرەزيدەنتى ۆلاديمير پۋتين جانە ا ق ش پرەزيدەنتى دونالد ترامپتىڭ الداعى ءۇشجاقتى كەزدەسۋىن باقىلاپ وتىر.