ترامپتىڭ ازياعا ساپارى باستالدى

استانا. KAZINFORM - دۇيسەنبى كۇنى ا ق ش پرەزيدەنتى دونالد ترامپ ازياعا بىرنەشە كۇنگە سوزىلاتىن ساپارىنا اتتاندى.

Трамп
Кадр из видео

ساپار اياسىندا ول اتەس ءسامميتى كەزىندە رەسەي پرەزيدەنتى ۆلاديمير پۋتينمەن جانە قىتاي ءتوراعاسى شي جينپيڭمەن كەزدەسۋدى جوسپارلاپ وتىر، دەپ حابارلايدى Kazinform اگەنتتىگىنىڭ ۆاشينگتونداعى مەنشىكتى ءتىلشىسى CBS News-كە سىلتەمە جاساپ.

ترامپ بۇل جولعى ساپارىن اۋقىمدى ساپار دەپ اتاپ، قىتايدا سولتۇستىك كورەيا باسشىسى كيم چەن ىنمەن كەزدەسۋى مۇمكىن ەكەنىن ايتتى.

ترامپ، شي جينپيڭ جانە ۆلاديمير پۋتيننىڭ كەزدەسۋى يادرولىق قارۋدى تاراتپاۋ ماسەلەسىنە ارنالماق. سونداي-اق يران مەن ۋكرايناداعى قاقتىعىسقا باسا نازار اۋدارىلادى.

الدىمەن ا ق ش پرەزيدەنتى فيليپپينگە بارادى. وندا وڭتۇستىك-شىعىس ازيا مەملەكەتتەرى قاۋىمداستىعىنىڭ جىل سايىنعى ءسامميتى ءوتىپ جاتىر.

بۇدان كەيىن ترامپ جاپونيا، ءۇندىستان جانە اۋستراليا وكىلدەرىمەن ءۇندى-تىنىق مۇحيتى ايماعىنداعى قاۋىپسىزدىك ماسەلەلەرىن تالقىلايدى. سونداي-اق تايلاندپەن ساۋدا كەلىسىمىنە قول قويىپ، وڭتۇستىك-شىعىس ازيا ەلدەرىنىڭ باسشىلارىمەن جانە ايماقتىڭ وزگە دە جەتەكشىلەرىمەن وتەتىن كەشكى اسقا قاتىسۋدى جوسپارلاپ وتىر.

سارسەنبى كۇنى ا ق ش پرەزيدەنتى فيليپپين پرەزيدەنتى فەرديناند ماركوسپەن پرەزيدەنت سارايىندا تۇسكى اس وتكىزبەكشى. ودان كەيىن قىتايدىڭ شىنجىن قالاسىنا اتتانادى. وندا اتەس ءسامميتى اياسىندا ازيا-تىنىق مۇحيتى ەكونوميكالىق ىنتىماقتاستىعى ۇيىمىنا مۇشە ەلدەردىڭ باسشىلارىمەن كەزدەسەدى. ال بەيسەنبى كۇنى ۆلاديمير پۋتين جانە شي جينپيڭمەن جۇزدەسەدى.

سونداي-اق بۇل ساپاردا ا ق ش پرەزيدەنتىنە Tesla جانە SpaceX كومپانيالارىنىڭ باس ديرەكتورى يلون ماسك ەرىپ باراتىنى حابارلاندى. الايدا ول پۋتين جانە شي جينپيڭمەن وتەتىن كەزدەسۋگە قاتىسپايدى.