ترانسشەكارالىق سۋعا قاتىستى كەلىسسوزدەردى كۇشەيتۋ ءۇشىن ماڭىزدى ارگۋمەنتتەر قالىپتاستىرۋ قاجەت

Су
Фото: Марказий коммуникациялар хизмати

استانا. KAZINORM - بۇگىن ۇكىمەت وتىرىسىندا 2024-2030-جىلدارعا ارنالعان سۋ رەسۋرستارىن باسقارۋ جۇيەسىن دامىتۋ تۇجىرىمداماسى ماقۇلداندى.

«جالپى سۋ رەسۋرستارىن پايدالانۋ سالاسىنداعى عىلىمي زەرتتەۋلەر جۇيەسىن جولعا قويۋ كەرەك. مىسالى، ەرتىس وزەنىنىڭ رەسۋرسىن اۋماقتار اراسىندا قايتا ءبولۋدى قاراستىرۋدىڭ ماڭىزى زور. كەلەسى كەزەكتە - ترانسشەكارالىق سۋدى پايدالانۋ ماسەلەلەرىن شەشۋ. كورشى مەملەكەتتەرمەن وسىنداي كەلىسىمدەردى ازىرلەۋ اياسىندا كەلىسسوزدەر پروتسەستەرىن كۇشەيتۋ ءۇشىن ماڭىزدى ارگۋمەنتتەر قالىپتاستىرۋ جاعىنا ءمان بەرىلۋى ءتيىس»، - دەدى ۇكىمەت باسشىسى ءاليحان سمايىلوۆ.

پرەمەر-ءمينيستردىڭ پايىمىنشا، تۇجىرىمدامادا جوسپارلانعان بارلىق ءىس-شارانى ساپالى ىسكە اسىرىپ، وعان جاۋاپكەرشىلىكپەن قاراۋ ەلىمىزدەگى سۋ رەسۋرستارىن باسقارۋدىڭ تيىمدىلىگىن ارتتىرۋعا ىقپال ەتەدى.

«سوندىقتان سۋ رەسۋرستارى مينيسترلىگى مۇددەلى مەملەكەتتىك ورگاندارمەن جانە ءوڭىر اكىمدىكتەرىمەن بىرگە تۇجىرىمدامانى ءتيىمدى ىسكە اسىرۋدى قامتاماسىز ەتۋى قاجەت»، - دەدى ءاليحان سمايىلوۆ.

وسىدان كەيىن ۇكىمەت مۇشەلەرى ۇسىنىلعان جوبانى ماقۇلداپ داۋىس بەردى.

سوڭعى جاڭالىقتار