ترامپتىڭ ارنايى وكىلىنىڭ ۇشاعى ماسكەۋگە قوندى – ب ا ق
استانا. KAZINFORM – ا ق ش پرەزيدەنتى دونالد ترامپتىڭ تاياۋ شىعىستاعى ارنايى وكىلى ستيۆ ۋيتكوففتىڭ ۇشاعى ماسكەۋگە قوندى. بۇل تۋرالى رەسەيلىك ب ا ق امەريكالىق بلوگەرلەرگە سۇيەنە وتىرىپ جازدى.
Flightradar مالىمەتتەرى بويىنشا ۋيتكوفف ۇشاتىن Gulfstream G650ER بيزنەس دجەتى ماسكەۋدەگى ۆنۋكوۆو اۋەجايىنا جەرگىلىكتى ۋاقىت بويىنشا تاڭعى ساعات 10 شاماسىندا قونعان.
رەسەي فەدەراتسياسى پرەزيدەنتىنىڭ باسپا ءسوز حاتشىسى دميتري پەسكوۆ كرەملدە ترامپتىڭ ارنايى وكىلى ماسكەۋگە كەلگەنى تۋرالى اقپارات جوق ەكەنىن مالىمدەدى.
«ەشقانداي اقپارات جوق، بىزدە ەشقانداي كەزدەسۋ جوسپارلانباعان»، - دەدى پەسكوۆ جۋرناليستەرگە.
ستيۆەن ۋيتكوفف - امەريكالىق كاسىپكەر جانە كوممەرتسيالىق جىلجىمايتىن مۇلىك ينۆەستورى. 2024-جىلى جەلتوقساندا ول ا ق ش- تىڭ 47-پرەزيدەنتى دونالد ترامپتىڭ تاياۋ شىعىستاعى ارنايى وكىلى بولىپ تاعايىندالدى.
ەكى اي ىشىندە ول يزرايل مەن حاماس- تى كەلىسسوزدەر ۇستەلىنە وتىرۋعا، بىتىمگە كەلۋگە ءماجبۇر ەتكەنى ايتىلادى.
ەسكە سالايىق، بۇعان دەيىن ترامپ رەسەيمەن جانە ۋكراينامەن وتەتىن كەزدەسۋ جوسپارى تۋرالى ايتتى.
