ترامپ زەلەنسكي تۋرالى: ءبىر-ءبىرىمىزدى بۇرىننان بىلەمىز، ارادا كەلىسىم بار

استانا. KAZINFORM - ۋكراينا پرەزيدەنتى ۆلاديمير زەلەنسكي مەن ا ق ش پرەزيدەنتى دونالد ترامپتىڭ كەزدەسۋى اق ۇيدە ءوتىپ جاتىر.

- ۋكراينا پرەزيدەنتى زەلەنسكيدى قابىلداۋ ۇلكەن مارتەبە. ءبىز كوپ جۇمىس جاسادىق جانە ءبىر-ءبىرىمىزدى كوپتەن بەرى بىلەمىز، - دەدى زەلەنسكيمەن كەزدەسۋ بارىسىندا دونالد ترامپ.

ا ق ش پرەزيدەنتى «بىزدە ءادىل كەلىسىم دەپ اتاۋعا بولاتىن دۇنيە بار» دەدى پايدالى قازبالاردى ءوندىرۋ تۋرالى نەگىزدەمەلىك كەلىسىمدى مەڭزەپ.

- رەسەيمەن وتە جاقسى كەلىسسوزدەر جۇرگىزدىك، مەن پرەزيدەنت پۋتينمەن سويلەستىم. ءبىز سوعىستىڭ توقتاعانىن قالايمىز ءارى بۇل باعىتتا جۇمىس ىستەيتىن بولامىز، - دەپ مالىمدەدى ترامپ.

ا ق ش پرەزيدەنتى زەلەنسكيدىڭ گەنەرالدارى مەن ساربازدارىن قۇرمەتتەيتىنىن ايتىپ، ول جاۋىنگەرلەرىن ماقتان تۇتۋى ءتيىس ەكەنىن مەڭزەدى. ءبىراق ەندى سوعىستىڭ اياقتالعانىن قالايتىنىن، بۇل قاسىرەت جەتكىلىكتى ەكەنىن جەتكىزدى.

ەسكە سالا كەتەيىك، اق ۇيدە ترامپ پەن زەلەنسكيدىڭ كەزدەسۋى ءوتىپ جاتىر.