ترامپ يراندى يادرولىق قارۋدان باس تارتۋ بويىنشا كەلىسسوزگە شاقىردى
استانا. KAZINFORM - پرەزيدەنت دونالد ترامپ يراننىڭ جوعارعى كوشباسشىسى اياتوللا ءالي حامەنەيگە يادرولىق كەلىسىمگە بايلانىستى حات جولداعانىن حابارلادى، دەپ جازدى ABC News.
- ماسەلەنى شەشۋدىڭ ەكى جولى بار: اسكەري نەمەسە كەلىسىم جاساسۋ. مەن كەلىسىم جاساسقاندى ءجون كورەر ەدىم، - دەدى دونالد ترامپ.
سونداي-اق ترامپ كەلىسىمگە قول جەتكىزىلمەسە، اسكەري شارا قولدانامىز دەپ قورقىتتى.
- ۋاقىت جاقىنداپ قالدى. قالاي بولعاندا دا بىردەڭە بولادى. مەن ولارعا حات جازدىم، ءسىز كەلىسسوز جۇرگىزەسىز دەپ ۇمىتتەنەمىن دەدىم، ويتكەنى ەگەر ءبىز ءوزارا اسكەري ارەكەتكە باراتىن بولساق، بۇل ولار ءۇشىن جامان بولادى دەپ جازدىم، - دەدى دونالد ترامپ.
الايدا يران يسلام رەسپۋبليكاسىنىڭ ب ۇ ۇ جانىنداعى تۇراقتى وكىلدىگى ترامپتان حات الماعانىن مالىمدەدى.
اق ءۇي باسشىسى يران باسشىلىعىنا ۋلتيماتۋم قويماعانىن حابارلادى.
بۇل رەتتە ول: «ءبىز بىردەڭە ىستەۋىمىز كەرەك، ويتكەنى ءبىز ولاردىڭ يادرولىق قارۋعا يە بولۋىنا جول بەرە المايمىز»، - دەپ ەسكەرتتى.
2019-جىلدىڭ باسىندا ا ق ش پرەزيدەنتى جاپونيانىڭ بۇرىنعى پرەمەر-ءمينيسترى سيندزو ابە ارقىلى وسىنداي حابارلاما جىبەرگەن بولاتىن، ءبىراق يران باسشىسى كەلىسسوزدەر تۋرالى ۇسىنىستى اشىق تۇردە قابىلدامادى.
ول كەزدە حامەنەي: «مەن ترامپتى قانداي دا ءبىر حابارلاما الماسۋ كەرەك ادام دەپ سانامايمىن» دەپ مالىمدەگەن.
ترامپ پرەزيدەنتتىگىندەگى ءبىرىنشى مەرزىمدە ا ق ش- تى يران مەن وباما اكىمشىلىگى اراسىنداعى كەلىسىمنەن الىپ تاستاعانىن ەسكە سالعان ءجون. 2015-جىلعى يادرولىق كەلىسىم يرانعا ۋراندى تەك %3,67 تازالىق دەڭگەيىنە دەيىن بايىتىپ، ونىڭ 300 كەلى قورىن 300 ك گ كولەمىندە ساقتاۋعا مۇمكىندىك بەردى.
وتكەن ايدا ترامپ يرانعا «ماكسيمالدى قىسىم» كورسەتۋ، سونىڭ ىشىندە تەگەراننىڭ يادرولىق قارۋعا يە بولۋ مۇمكىندىگىنەن ايىرۋ ءۇشىن ونىڭ مۇناي ەكسپورتىن قىسقارتۋعا باعىتتالعان مەموراندۋمعا قول قويدى.
وسىعان دەيىن يران سىرتقى ىستەر مينيسترلىگى ا ق ش- تىڭ مۇناي ونەركاسىبىنە قارسى جاڭا سانكسيالارى نەگىزسىز جانە حالىقارالىق ستاندارتتارعا قايشى دەپ سانايتىنى تۋرالى جازدىق.
