ترامپ يرانعا نەگە قىزىعىپ وتىر؟
استانا. KAZINFORM – ترامپ يران ماسەلەسىنە قاتىستى «وتە تەز» شەشىم قابىلداۋعا ۇمىتتەنىپ وتىر، دەپ حابارلايدى interfax.
ا ق ش پرەزيدەنتى دونالد ترامپ ۆاشينگتون مەن تەگەران اراسىنداعى يراندىق يادرولىق ماسەلە بويىنشا كونسۋلتاتسيالار اياسىندا بۇل ماسەلەگە قاتىستى شەشىمدى جاقىن ارادا قابىلدايتىنىنا سەنىمدى.
«مەن يران ماسەلەسى بويىنشا ءارتۇرلى ادامدارمەن كەزدەستىم، ءبىز بۇل ماسەلە بويىنشا وتە تەز شەشىم قابىلدايمىز»، - دەدى ترامپ جۋرناليستەر پۋلىنا.
بۇعان دەيىن Axios اقپارات كوزدەرىنە سىلتەمە جاساي وتىرىپ، ا ق ش پەن يران اراسىنداعى كەلىسسوزدەردىڭ ەكىنشى كەزەڭى 19-ساۋىردە ريمدە وتەتىنى حابارلاعان.
باسىلىم سۇحباتتاسۋشىلارىنىڭ ايتۋىنشا، ترامپ اكىمشىلىگى وماندا وتكەن العاشقى كەلىسسوزدەر كەزەڭىنىڭ ناتيجەسىنە قاناعاتتانعان، ال اق ءۇي كەلىسسوزدەر سىندارلى وتكەنىن مالىمدەدى.
يران سىرتقى ىستەر ءمينيسترى ابباس اراكچي وتكەن سەنبى كۇنى وتكەن كونسۋلتاتسيالار سىندارلى وتكەنىن مالىمدەدى. ول كەلىسسوزدەردىڭ ەكىنشى كەزەڭىندە «ىقتيمال كەلىسىمنىڭ جالپى شەڭبەرى» تالقىلاناتىنىن اتاپ ءوتتى.
