ترامپ تەلەپروديۋسەردى ۇلى بريتانياداعى ارنايى وكىل ەتىپ تاعايىندادى

استانا. KAZINFORM - مارك بەرنەتت - ترامپتىڭ ءوزى قاتىسقان «امان قالعان» (Survivor)، «شارك تانك» (Shark Tank) ، «داۋىس» (The Voice) جانە «كانديدات» (The Apprentice) سياقتى شوۋلاردىڭ اۆتورى، دەپ حابارلايدى Anadolu Ajansi اقپارات اگەنتتىگىنە سىلتەمە جاساپ.

ا ق ش- تىڭ جاڭادان سايلانعان پرەزيدەنتى دونالد ترامپ تەلەپروديۋسەر مارك بەرنەتتتىڭ ۇلى بريتانياعا ارنايى وكىل بولىپ تاعايىندالعانىن جاريا ەتتى.

بۇل تۋرالى اق ءۇيدىڭ جاڭا باسشىسى Truth Social الەۋمەتتىك جەلىسىندە حابارلادى.

«تەليەۆيزيا ءوندىرىسى مەن بيزنەستە كورنەكتى مانساپ قۇرعان مارك ديپلوماتيالىق قىراعىلىق پەن حالىقارالىق تانۋدىڭ بىرەگەي ۇيلەسىمىن اكەلەدى»، - دەپ جازدى ساياساتكەر.

مارك بەرنەتت بۇعان دەيىن سالاعا قوسقان ۇلەسى ءۇشىن 13 Emmy سىيلىعىنىڭ يەگەرى Metro-Goldwyn-Mayer (MGM) كومپانياسىن باسقارعان.

بۇعان دەيىن دونالد ترامپ پرەزيدەنتتىكتىڭ تىزگىنىن ۇستاي سالا ا ق ش- تى دۇنيەجۇزىلىك دەنساۋلىق ساقتاۋ ۇيىمىنان شىعارۋدى كوزدەپ وتىرعانىن جازعان بولاتىنبىز.