ترامپ Tesla ەلەكتر كولىگىن ساتىپ الدى
ۆاشينگتون. KAZINFORM - ا ق ش پرەزيدەنتى كومپانيا يەسىنە ادىلەتسىزدىك جاسالىپ جاتقانىن ايتتى، دەپ جازادى انادولى.
ا ق ش پرەزيدەنتى دونالد ترامپ ءوزىنىڭ كەڭەسشىسى ءارى كومپانيانىڭ باس ديرەكتورى يلون ماسكتى قولداۋ بەلگىسى رەتىندە Tesla كولىگىن ساتىپ الدى.
امەريكالىق كوشباسشى Tesla كولىگىن اق ءۇيدىڭ اۋلاسىنا ايداپ كىرىپ، كامەرالار الدىندا ماسكپەن بىرگە سۋرەتكە ءتۇستى.
اق ءۇي باسشىسى ادەتتە كولىك جۇرگىزبەيتىنىن، ءبىراق ماسكتى قولدايتىنىن ءبىلدىرۋ ءۇشىن كولىك ساتىپ الاتىنىن اتاپ ءوتتى.
- مەن ونى ساتىپ الامىن، ويتكەنى بۇل، ەڭ الدىمەن جاقسى ءونىم. ەكىنشىدەن، ول ءوزىنىڭ كۇشى مەن ءومىرىن وسىعان ارنادى، مەنىڭ ويىمشا، وعان ادىلەتسىزدىك جاسالدى، - دەدى ا ق ش پرەزيدەنتى.
مەملەكەت باسشىسى Tesla ديلەرلەرىنە قارسى ۆانداليزم اكتىلەرى «ىشكى لاڭكەستىك اكتىلەرى» رەتىندە جىكتەلەتىنىن جانە جاۋاپتىلاردى اۋىر زاردابى كۇتىپ تۇرعانىن اتاپ ءوتتى.
ترامپ اق ءۇيدىڭ سىرتىندا تۇرعان كولىكتەر اراسىنان قىزىل Tesla Model S كولىگىن تاڭداپ الىپ، فوتوعا ءتۇستى.
- وكىنىشكە قاراي، مەن كولىك جۇرگىزە المايمىن. كولىك باسقارماعانىما كوپ بولدى، ماعان نەگىزى كولىك جۇرگىزگەن ۇنايدى. ءبىراق بۇل كولىك اق ۇيدە بولادى، مەن قىزمەتكەرلەرىمە ونى پايدالانۋعا رۇقسات بەرەمىن، - دەدى ترامپ اق ءۇي سىرتىندا جۋرناليستەرگە.
ايتا كەتەيىك، 2- جانە 8 -ناۋرىزدا اق- ايماقتارىنداعى Tesla اۆتوسالوندارىنىڭ الدىندا دەمونستراتسيالار ءوتتى. نارازىلىق اكسياسى كەزىندە تۇتقىنداۋلار بولدى.
