ترامپ رەسەي مەن ۋكراينا اراسىنداعى بەيبىت كەلىسىمگە قول قويۋعا شاقىردى
استانا. KAZINFORM - ا ق ش پرەزيدەنتى دونالد ترامپ رەسەي پرەزيدەنتى ۆلاديمير پۋتيننىڭ ۋكرايناعا شابۋىلدارىن توقتاتاتىنىنا ءۇمىتتى ەكەنىن ايتتى. بۇل تۋرالى انادولى حابارلادى.
ا ق ش پرەزيدەنتى ترامپ اق ۇيدە نورۆەگيا پرەمەر- ءمينيسترى يوناس گارمەن كەزدەسۋ بارىسىندا رەسەيگە قاتىستى جۋرناليست سۇراعىنا جاۋاپ بەردى.
«پۋتين ۋكرايناعا قارسى شابۋىلدارىن توقتاتادى دەپ سەنەسىز بە؟» دەگەن سۇراققا ترامپ «ءيا، سەنەمىن» دەپ جاۋاپ بەردى.
ترامپ اق ۇيدە نورۆەگيا پرەمەر-ءمينيسترى ستورەمەن تۇسكى اس الدىندا جۋرناليستەرگە قىسقاشا مالىمدەمە جاسادى.
رەسەي مەن ۋكراينا اراسىنداعى پروتسەستىڭ كەلىسىممەن اياقتالۋىنا قاتىستى ويىن ايتتى.
- مەنىڭ بۇل ماسەلەگە قاتىستى ناقتى مەرزىمىم بار، ءبىز ونىڭ تەز جۇزەگە اسقانىن قالايمىز، - دەدى.
ا ق ش پرەزيدەنتى ترامپ Truth Social الەۋمەتتىك مەدياپلاتفورماسىندا كيەۆكە جاسالعان شابۋىل تۋرالى حابارلاما جاريالادى.
رەسەيدىڭ كيەۆكە جاساعان شابۋىلىنا كوڭىلى تولمايتىنىن ايتىپ، ترامپ «ۆلاديمير، توقتا. اپتاسىنا 5 مىڭ سارباز قازا تاۋىپ جاتىر» دەپ جازدى.
پرەزيدەنت بەيبىت كەلىسىمگە قول قويۋعا شاقىردى.
