ترامپ قىتايدان وزگە ەلدەرگە تاريفتەردىڭ ەنگىزىلۋىن 90 كۇنگە كىدىرتتى

استانا. KAZINFORM - ا ق ش پرەزيدەنتى دونالد ترامپ 9 -ءساۋىر كۇنى ء«وزارا تاريفتەر بويىنشا جاڭا باج سالىعىنىڭ ەنگىزىلۋىن 90 كۇنگە كەيىنگە شەگەرەتىنىن، ءبىراق قىتاي تاۋارلارىنا سالىناتىن سالىقتى ودان ءارى ارتتىراتىنىن مالىمدەدى.

Lianhe Zaobao باسىلىمى ا ق ش- تىڭ ونداعان ساۋدا سەرىكتەسىنە كوپ مولشەردە «ءوزارا تاريفتەر» ەنگىزىلەدى دەپ ۇيعارىلعان مەجەلى ساتكە 24 ساعات قالعاندا ترامپ ۇستانىمىن كۇرت وزگەرتكەنىن جازدى.

ول ءوز مالىمدەمەسىندە «الەمدىك نارىققا قۇرمەتسىزدىك تانىتقانى ءۇشىن»، قىتايدان اكەلىنەتىن تاۋارلارعا باعىتتالعان ءتاريفتىڭ مولشەرىن %104 دان %125 عا دەيىن كوتەرەتىنىن مالىمدەدى.

- بۇل شەشىم دەرەۋ كۇشىنە ەنەدى، - دەپ تولىقتىردى ول.

ترامپ 75 تەن استام ەلدىڭ ا ق ش- پەن كەلىسسوز جۇرگىزۋگە نيەت بىلدىرگەنىن ايتتى.

- مەنىڭ قاتاڭ ەسكەرتۋىمنەن كەيىن، بۇل ەلدەردىڭ ەشقايسىسى قانداي دا ءبىر تاسىلمەن نەمەسە فورماتپەن قۇراما شتاتتارعا قارىمتا قايتارعان جوق. سوندىقتان مەن قىتايدان وزگە ەلدەرگە ەنگىزىلەتىن تاريفتەردى 90 كۇنگە كىدىرتە تۇرۋعا جانە وسى ارالىقتا ونىڭ مولشەرىن %10 عا دەيىن تومەندەتۋگە جارلىق بەردىم، - دەپ جازدى ترامپ الەۋمەتتىك جەلىدە.

ال اق ءۇيدىڭ باسپا ءسوز حاتشىسى ليەۆيتتىڭ ايتۋىنشا، بۇل شەشىم قىتايدان باسقا بارلىق ەلگە سايكەسىنشە تەك %10 كولەمىندە باج سالىعى سالىناتىنىن بىلدىرەدى.

دەگەنمەن، بۇل شارانىڭ قىرى مەن سىرى قازىرشە ناقتىلانعان جوق.

اتالعان جاڭالىقتىڭ اسەرىنەن ا ق ش- تىڭ قور نارىعىندا نەگىزگى يندەكستەر ايتارلىقتاي ءوستى، ال وبليگاتسيالاردىڭ تابىستىلىعى تاڭعى ايىرباس كەزىندەگى جوعارى شەكتەن ءسال تومەندەدى.

بۇعان دەيىن قىتاي بيلىگىنىڭ «ءوزارا تاريفتەر» ساياساتىنا قارسى قارىمتا شارا قابىلداعانىن جازعان ەدىك.

 

ەرلان مازان