ترامپ قايتا سايلانسا، بايدەنگە يمپيچمەنت جاريالايتىنىن ايتتى

استانا. KAZINFORM - دونالد ترامپ ەگەر ا ق ش جوعارعى سوتى بۇرىنعى پرەزيدەنتكە يممۋنيتەت بەرمەسە، دجو بايدەن مەن ونىڭ وتباسى ا ق ش- تىڭ قازىرگى پرەزيدەنتى قىزمەتىنەن كەتكەن بويدا كوپتەگەن قىلمىستىق قۋدالاۋعا ۇشىراۋى مۇمكىن ەكەنىن ەسكەرتتى، دەپ حابارلايدى The Guardian.

د. ترامپ Time گازەتىنىڭ ءتىلشىسى ەريك كورتەللەسكە بەرگەن سۇحباتىندا بايدەندەر وتباسىنا قاۋىپ توندىرەتىنىن ايتتى.

ترامپ اق ۇيدە ەكىنشى مەرزىمگە سايلانسا، بايدەندەردى «قۋدالاۋعا» نيەتى بار ما دەگەن سۇراققا «بۇل جوعارعى سوتتا نە بولاتىنىنا بايلانىستى» دەپ جاۋاپ بەردى.

ەگەر ۇشەۋىن ترامپ تاعايىنداعان توعىز جوعارى سوت سۋدياسى قۋدالاۋدان يممۋنيتەت بەرمەسە، ترامپ:

«وندا بايدەن بارلىق قىلمىستارى ءۇشىن جاۋاپ بەرەتىنىنە سەنىمدىمىن، ويتكەنى ول كوپتەگەن قىلمىستار جاسادى. ەگەر جوعارعى سوتتىڭ توعىز سۋدياسى (ۇشەۋىن ءوزى تاعايىنداعان) قۋدالاۋدان يممۋنيتەت بەرمەسە، وندا بايدەن بارلىق قىلمىستارى ءۇشىن جاۋاپ بەرەتىنىنە سەنىمدىمىن، ويتكەنى ول كوپتەگەن قىلمىس جاسادى»، - دەدى.

وتكەن جىلدىڭ ماۋسىمىندا بەدمينستەر قالاسىندا (نيۋ-دجەرسي شتاتى) سويلەگەن سوزىندە دونالد ترامپ، ەگەر ول قايتا سايلانسا، «ا ق ش تاريحىنداعى ەڭ جەمقور پرەزيدەنت دجو بايدەننىڭ جانە ونىڭ قىلمىسكەر بۇكىل وتباسىنىڭ (ۇلى حانتەر) سوڭىنان ەرۋ ءۇشىن» ارنايى پروكۋرور تاعايىندايتىنىن» ايتتى.

قازىرگى كەزدە د. ترامپقا ءتورت ايىپ تاعىلىپ وتىر، ونىڭ ءبىرى نيۋ-يوركتە قارالىپ جاتىر.

ول سايلاۋعا ارالاسقانى جانە اكتريساعا ۇندەمەسىن دەپ اقشا تولەگەنى ءۇشىن ايىپتالىپ وتىر.