ترامپ قارۋلى ادامنىڭ ۇستالعانىن جاريالاپ، كەشكى استى جالعاستىرۋدى ۇسىندى
استانا. KAZINFORM - ا ق ش پرەزيدەنتى دونالد ترامپ truthsocial الەۋمەتتىك جەلىسىندە اق ۇيدەگى تىلشىلەردىڭ كەشكى اسى كەزىندە وق اتقان ادامنىڭ ۇستالعانىن ايتىپ، شارانى جالعاستىرۋدى ۇسىندى.
- ۆاشينگتونداعى وقيعاعا تولى كەش. قۇپيالىق قىزمەت پەن قۇقىق قورعاۋ ورگاندارى تەز ءارى باتىل ارەكەت ەتتى. اتقان ادام ۇستالدى، مەن شارانى جالعاستىرۋدى ۇسىندىم، قاۋىپسىزدىك كۇشتەرىنىڭ شەشىمىنە تولىق سەنەمىن. ولار ونى جاقىندا قابىلدايدى. قالاي بولعاندا دا، كەش جوسپارلانعانداي بولمادى، ءبىز مۇنى قايتالاۋعا ءماجبۇرمىز، - دەپ جازدى ترامپ الەۋمەتتىك جەلىدەگى پاراقشاسىندا.
ايتا كەتەيىك، ا ق ش پرەزيدەنتى اق ءۇي تىلشىلەر قاۋىمداستىعىنىڭ قابىلداۋىنان ەۆاكۋاتسيالاندى. امەريكانىڭ قۇپيا قىزمەتى مەن قۇقىق قورعاۋ ورگاندارى ادامداردى زالدان شىعارىپ، جاعدايدى باقىلاۋعا الدى. كۋاگەرلەردىڭ ايتۋىنشا، كوپ ادام ۇستەلدەردىڭ استىنا تىعىلعان.
