ترامپ ميللياردەر سكوتت بەسسەنتتى جاڭا قىزمەتكە ۇسىندى
استانا. KAZINFORM – ا ق ش- تىڭ جاڭادان سايلانعان پرەزيدەنتى ترامپ ميللياردەر سكوتت بەسسەنتتى قارجى ءمينيسترى لاۋازىمىنا ۇسىندى. ول سوڭعى كەزدەرى ترامپتىڭ ەكونوميكالىق ماسەلەلەر جونىندەگى كەڭەسشىسى قىزمەتىن اتقاردى، دەپ جازدى BBC.
بەسسەنت ترامپتىڭ ەكونوميكالىق باستامالارىنىڭ كوپشىلىگىن، سونىڭ ىشىندە سالىقتى ازايتۋ جانە شەتەلدىك ونىمدەرگە باج سالىعىن ارتتىرۋدى قولدايدى. ول سونداي-اق كريپتوۆاليۋتا نارىعىن بەلسەندى جاقتاۋشى.
ايتا كەتەيىك بۇل ۇسىنىس سەناتتىڭ ماقۇلداۋىن تالاپ ەتەدى.
بۇعان دەيىن ترامپ ءوزىنىڭ بولاشاق اكىمشىلىگىنە العاشقى تاعايىنداۋلاردى جاريالاعان بولاتىن. سودان كەيىن ول پەنتاگون مەن تسرۋ باسشىلارىن اتادى جانە ماسكقا ۇكىمەتتىڭ تيىمدىلىك دەپارتامەنتىن باسقارۋدى ۇسىندى.
ول سونداي-اق دەنساۋلىق ساقتاۋ مينيسترلىگىنىڭ باسشىسى لاۋازىمىنا كىشى كەننەديدىڭ كانديداتۋراسىن ۇسىندى، ا ق ش مەملەكەتتىك دەپارتامەنتى مەن ۇلتتىق بارلاۋ باسقارماسىنىڭ باسشىلارىن جانە اق ءۇيدىڭ جاڭا باسپا ءسوز حاتشىسىن تاعايىندادى.
سونىمەن قاتار، ترامپ ا ق ش- تىڭ ەنەرگەتيكا ءمينيسترى لاۋازىمىنا Liberty Energy مۇناي كومپانياسىنىڭ باسشىسىن تاڭدادى.
