ترامپ ماسكتىڭ وكىلەتىن شەكتەۋدى ءجون كوردى
استانا. KAZINFORM – ا ق ش پرەزيدەنتى دونالد ترامپ مينيسترلەر كابينەتىندە جينالىس وتكىزىپ، كادرلىق ساياسات ماسەلەسىندە سوڭعى شەشىمدى ۇكىمەتتىڭ تيىمدىلىگى جونىندەگى دەپارتامەنتتىڭ جەتەكشىسى يلون ماسك ەمەس، فەدەرالدىق اگەنتتىك جەتەكشىلەرى قابىلدايتىنىن مالىمدەدى.
بۇل جونىندە دەرەككوزدەرگە سۇيەنگەن Reuters ،Politico جانە CNN جازدى.
ترامپ ماسكتىڭ فەدەرالدىق ۇكىمەت قىزمەتكەرلەرىن قىسقارتىپ، شىعىندى ازايتۋ تالپىنىسىن قولداعانمەن ميللياردار جەتەكشىلىك ەتەتىن دەپارتامەنتتىڭ تەك كونسۋلتاتيۆتىك ءرولى عانا بار دەپ ايتقان. بۇل جونىندە Reuters جازدى.
جينالىسقا قاتىسقان ماسكتىڭ ءوزى ترامپتىڭ بۇيرىعىمەن كەلىسەتىندىگىن بىلدىرگەن. Politico-نىڭ جازۋىنشا، كاسىپكەر ءتىپتى ءوزى جەتەكشىلىك ەتەتىن دەپارتامەنت «ءبىراز قاتەلىكتەر جىبەرگەنىن» دە مويىنداعان.
CNN- نىڭ جازۋىنشا، بۇل كەزدەسۋ «پرەزيدەنتتىڭ ماسكتىڭ كەڭ وكىلەتىن شەكتەۋ باعىتىنداعى العاشقى تالپىنىستارىنا مىسال بولا الادى».
«ازاتتىق»
