ترامپ كىشى كەننەديدى دەنساۋلىق ساقتاۋ دەپارتامەنتىنىڭ باسشىسى ەتىپ تاعايىندادى
استانا. KAZINFORM - ترامپ «Truth» الەۋمەتتىك جەلىسىندە حابارلاما قالدىردى، دەپ جازادى DW.
ترامپ كىشى كەننەديدى دەنساۋلىق ساقتاۋ جانە حالىققا قىزمەت كورسەتۋ (HHS) ءمينيسترى ەتىپ تاعايىندادى.
- بارلىق امەريكالىقتاردىڭ قاۋىپسىزدىگى مەن دەنساۋلىعى كەز كەلگەن اكىمشىلىكتىڭ ەڭ ماڭىزدى باسىمدىعى سانالادى جانە HHS ءار ادامنىڭ زياندى حيميالىق، لاستاۋشى زاتتاردان، پەستيتسيدتەردەن، فارماتسيەۆتيكالىق پرەپاراتتاردان جانە تاعامدىق قوسپالاردان قورعالۋىن قامتاماسىز ەتۋدە ۇلكەن ءرول اتقارادى، - دەدى ول.
بۇعان دەيىن حابارلاعانىمىزداي، ا ق ش- تىڭ جاڭادان سايلانعان پرەزيدەنتى دونالد ترامپ فلوريدا شتاتىنىڭ سەناتورى ماركو رۋبيونى الداعى اكىمشىلىگىندە مەملەكەتتىك دەپارتامەنتتىڭ باسشىسى ەتىپ تاعايىندادى.
ترامپ سونىمەن بىرگە ءوزىنىڭ بولاشاق اكىمشىلىگىنە العاشقى تاعايىنداۋلاردى جاريالادى. يلون ماسكقا ۇكىمەتتىڭ تيىمدىلىك دەپارتامەنتىن باسقارۋدى ۇسىندى.
