ترامپ ۇشاعى فلوريدا شتاتىندا باسقا ۇشاقپەن سوقتىعىستى

 استانا. KAZINFORM - ا ق ش- تىڭ بۇرىنعى پرەزيدەنتى دونالد ترامپتىڭ ۇشاعى ۋەست- پالم- بيچ (فلوريدا) اۋەجايىندا باسقا ۇشاقپەن سوقتىعىستى. بۇل تۋرالى سەيسەنبىدە Reuters حابارلادى، دەپ جازدى ت ا س س اقپارات اگەنتتىگى.

ونىڭ ايتۋىنشا، حالىقارالىق اۋەجايدا ترامپقا تيەسىلى Boeing 757 ۇشاعىنىڭ قاناتى باسقا ۇشاقتى سوققان. اتاپ وتىلگەندەي، وقيعا جەكسەنبى كۇنى بولعان.

بۇعان دەيىن Boeing Alaska Airlines اۋە كومپانياسىنا قاڭتاردا Boeing 737 MAX ۇشاعىمەن بولعان وقيعادان كەيىن شىعىن ءۇشىن وتەماقى رەتىندە 160 ميلليون دوللار تولەگەن. وندا اۋە لاينەرى ساڭىلاۋدىڭ پايدا بولۋىنا بايلانىستى كوپ ۇزاماي شۇعىل قونىپ، فيۋزەلياجدىڭ ءبىر بولىگىن جوعالتتى.

قاڭتار ايىندا Boeing 737 MAX ۇشاعىنداعى توتەنشە جاعدايدان كەيىن فەدەرالدىق اۆياتسيا باسقارماسى (ف ا ب) ۇشاقتاردىڭ وسى ءتۇرىن پايدالانۋدى جانە ولاردى تەكسەرۋدى ۋاقىتشا توقتاتۋعا بۇيرىق بەردى. تەكسەرۋ جۇمىستارى التى اپتاعا سوزىلدى جانە ۇشاق فيۋزەلياجىن شىعاراتىن Boeing جانە Spirit AeroSystems كومپانيالارىنا اسەر ەتتى.

The New York Times ءتىڭ ناۋرىز ايىندا حابارلاۋىنشا، Boeing فاب تەكسەرۋلەرىنىڭ 89 ىنىڭ 33 نەن وتە الماعان.