ترامپ ءوزىنىڭ ريم پاپاسى بەينەسىندەگى سۋرەتىن جاريالادى
استانا. KAZINFORM - ا ق ش پرەزيدەنتى دونالد ترامپ Truth Truth Social الەۋمەتتىك جەلىسىندە ريم پاپاسى بەينەسىندەگى سۋرەتىن جاريالادى.
سۋرەتتە دونالد ترامپتىڭ التىن جالاتىلعان تاق ۇستىندە وتىرعانى بەينەلەنگەن. ۇستىندە اق كيىمى (كاتوليك ءدىنباسىلارى كيەتىن ەتەگى ۇزىن كيىم)، باسىندا حريستيان شىركەۋ باسىلارىنىڭ باس كيىمى - ميترا، كەۋدەسىندە التىن كرەست بار. وڭ قولىنىڭ سۇق ساۋساعى جوعارى كوتەرىلىپ، ساقينا ساۋساعىندا پاپا ساقيناسى تاعىلعان كورىنەدى.
بۇل كادر جاساندى ينتەللەكت ارقىلى شىعارىلعان دەپ شامالانىپ وتىر. سۋرەتكە استىندا ەشبىر ءماتىن جازىلعان جوق.
اق ءۇي ترامپتىڭ جازباسىنا رەپوست جاسادى.
ترامپ بۇعان دەيىن جاڭا ريم پاپاسى بولعىسى كەلەتىنىن ازىلدەگەن بولاتىن. بۇل تۋرالى ول تىلشىلەرمەن اڭگىمەسىندە ايتتى. بەينەنى Forbes Breaking News YouTube ارناسىندا جاريالادى.
- مەن ريم پاپاسى بولعىم كەلەدى. بۇل مەنىڭ ءبىرىنشى تاڭداۋىم بولار ەدى، - دەدى ترامپ.
ول پونتيفيك لاۋازىمىنا ىقتيمال كانديداتتار اراسىندا ارتىقشىلىعى جوق ەكەنىن قوسىپ ءوتتى.
ەسكە سالا كەتسەك، جاڭا ريم پاپاسىن تاڭداۋ ءراسىمى 7-مامىرعا بەلگىلەنگەنىن جازعان بولاتىنبىز.
