ترامپ باعالى قاعازدار جانە بيرجالار جونىندەگى كوميسسيانىڭ ءتوراعاسى قىزمەتىنە پول اتكينستى تاعايىنداماق

استانا. KAZINFORM – ا ق ش- تىڭ جاڭادان سايلانعان پرەزيدەنتى دونالد ترامپ باعالى قاعازدار جانە بيرجالار جونىندەگى كوميسسيانىڭ (SEC) ءتوراعاسى قىزمەتىنە كريپتوۆاليۋتا نارىعىن قولدايتىن پول اتكينستى ۇسىنباق، دەپ حابارلايدى kazinform ءتىلشىسى CBS News-كە سىلتەمە جاساپ.

ترامپ «Patomak Partners» كومپانياسىنىڭ باس ديرەكتورى جانە SEC- ءتىڭ بۇرىنعى كوميسسارى پول اتكينستى نارىقتى شەكتەن تىس رەتتەۋگە قارسى شىققاندا ءوز قابىلەتىن دالەلدەگەن كوشباسشى دەپ سانايتىندىعىن مالىمدەدى.

- سونىمەن قاتار ول سيفرلىق اكتيۆتەر مەن باسقا دا يننوۆاتسيالاردىڭ ا ق ش- تى بۇرىنعىدان دا ۇلى ەل ەتۋدەگى ماڭىزدىلىعىن مويىندايدى»، - دەپ جازدى دونالد ترامپ Truth Social جەلىسىندە.

كوميسسيا ا ق ش- تىڭ باعالى قاعازدار نارىعى مەن ينۆەستيتسيالارىن قاداعالايدى. قازىر بۇل ۇيىمدى كريپتويندۋسترياعا قارسى گاري گەنسلەر باسقارىپ وتىر.

ايتا كەتەيىك، د. ترامپ بۇعان دەيىن ا ق ش- تى «پلانەتانىڭ كريپتوگرافيالىق استاناسى» ەتۋگە جانە بيتكويندەردىڭ «ستراتەگيالىق رەزەرۆىن» قۇرۋعا ۋادە بەرگەن.

ونىڭ سايلاۋداعى جەڭىسى كريپتوۆاليۋتالار باعاسىنىڭ وسۋىنە ىقپال ەتتى. قازىر بيتكويننىڭ قۇنى 100 مىڭ دوللاردان اسادى، ال Coinbase كريپتوگرافيالىق پلاتفورماسىنىڭ اكسيالارى %70 عا وسكەن.

وسىعان دەيىن ترامپ ءوزىنىڭ ەكى قۇداسىن جوعارى مەملەكەتتىك قىزمەتكە ۇسىنعانى تۋرالى جازدىق.