ترامپ اكىمشىلىگى «امەريكا داۋىسىنىڭ» جۇزدەگەن قىزمەتكەرىن جۇمىستان شىعاردى
استانا. KAZINFORM - بەيسەنبى كۇنى ترامپ اكىمشىلىگى «امەريكا داۋىسىنىڭ» 600 گە جۋىق قىزمەتكەرىن جۇمىستان شىعاردى، دەپ حابارلايدى The New York Times.
جۇمىستان جۋرناليستەرمەن قوسا كەيبىر اكىمشىلىك قىزمەتكەرلەرى دە بوساتىلدى. بۇل ا ق ش بيلىگى «راديكالدى امەريكا داۋىسى» دەپ اتاپ كەتكەن «Voice of America» قىزمەتكەرلەرىنىڭ ۇشتەن ءبىرى.
قىزمەتكەرلەر ترامپ اكىمشىلىگى مەديا ۇيىم ورنالاسقان ۆاشينگتونداعى فەدەرالدى عيماراتتى ساتىلىمعا قويعاننان كەيىن بوساتىلدى.
بەيسەنبى كۇنى جۇمىستان شىعارىلعان تىلشىلەردىڭ كەيبىرى شەتەلدەن كەلگەن، ولار ماۋسىم ايىنىڭ سوڭىنا قاراي قۇراما شتاتتاردان كەتۋگە ءماجبۇر بولادى، ويتكەنى ولاردىڭ يمميگراتسيالىق مارتەبەسى جاڭالىقتار ۇيىمىنداعى جۇمىسىنا بايلانىستى ەدى.
«امەريكا داۋىسىن» قاداعالايتىن ا ق ش جاھاندىق مەديا اگەنتتىگىنىڭ (USAGM) اعا كەڭەسشىسى كاري لەيكتىڭ مالىمدەۋىنشە، ترامپ اكىمشىلىگى ءوزىنىڭ زاڭدى وكىلەتتىگى شەگىندە ارەكەت ەتكەن.
- ءبىز اكىمشىلىكتىڭ باسىمدىقتارىن قاناعاتتاندىرۋ ءۇشىن اگەنتتىكتى وڭتايلاندىرۋ جانە فەدەرالدى بيۋروكراتيانى ازايتۋ پروتسەسىندەمىز. ءبىز USAGM ءدى قىسقارتۋدى جالعاستىرىپ، كونە دينوزاۆردى ەڭبەكقور امەريكالىقتاردى قارجىلاندىرۋعا لايىقتى نارسەگە اينالدىرامىز. بۇل باعىتتاعى جۇمىستار ءالى جالعاسادى، - دەدى كاري لەيك.
دونالد ترامپ باسىلىمدى «انتيامەريكالىق» جانە پارتيالىق «ناسيحات» تاراتادى دەپ ايىپتادى.
بۇرىنىراق لەيك جاھاندىق مەديا جونىندەگى ا ق ش اگەنتتىگى مەن ونىڭ رەداكسيالارى ەشقانداي دالەل كەلتىرمەستەن «قارجىنى شاشۋ، الاياقتىق پەن اسىرا سىلتەۋ» ارقىلى دامىپ كەلەدى لەپ مالىمدەگەن بولاتىن.
1942 -جىلى نەگىزى قالانعان «امەريكا داۋىسى» 15-ناۋرىزدا ترامپ قول قويعان جارلىقتان كەيىن جۇمىسىن توقتاتتى. ونىڭ جاڭالىقتار باعدارلامالارى سوتتىڭ ءساۋىر ايىنداعى شەشىمىمەن كەيىن جارىم- جارتىلاي قالپىنا كەلتىرىلدى، بۇل ترامپ اكىمشىلىگىنە اگەنتتىك پەن ول قاداعالايتىن باسقا رەداكتسيالاردى تاراتۋعا كەدەرگى بولدى.
ناۋرىز ايىندا «امەريكا داۋىسى» مەن «ازاتتىق راديوسىنىڭ» قىزمەتكەرلەرى دەمالىسقا جىبەرىلدى، ال قىزمەتكەرلەرى مەن ولاردىڭ كاسىپوداقتارى جۇما كۇنى ا ق ش پرەزيدەنتى دونالد ترامپ اكىمشىلىگىنە قارسى سوتقا شاعىم ءتۇسىردى.
