ترامپ ا ق ش- تا دۇنيەگە كەلگەندەرگە ازاماتتىق بەرۋدى توقتاتۋعا نيەتتى
استانا. KAZINFORM - ا ق ش- تىڭ جاڭادان سايلانعان پرەزيدەنتى دونالد ترامپ ا ق ش- تا زاڭسىز جۇرگەندەردىڭ بارلىعىن، سونىڭ ىشىندە امەريكا ازاماتتارى مەن دەپورتاتسيالانعانداردىڭ وتباسى مۇشەلەرىن ەلدەن شىعارۋعا دايىن ەكەنىن مالىمدەدى، دەپ Kazinform مەنشىكتى ءتىلشىسى NBC News كە سىلتەمە جاساپ.
دونالد ترامپتىڭ مالىمدەۋىنشە، قۇراما شتاتتاردا دۇنيەگە كەلگەن بالالارعا ازاماتتىق بەرۋ زاڭى ءوز كۇشىن جويۋى مۇمكىن. ول وسىنداي قادامعا بارۋعا بەكىنىپ وتىر.
ترامپتىڭ جاپپاي دەپورتاتسيالاۋ جوسپارىن جاريالاۋى ونىڭ پرەزيدەنتتىك ناۋقانىنداعى باستى ۋادە بولدى. ونىڭ ايتۋىنشا، باعدارلاما قىلمىس جاساعان زاڭسىز يمميگرانتتاردان باستالىپ، كەيىن «قىلمىسكەر ەمەس ادامدارعا» اۋىسادى.
- ءبىز قىلمىسكەرلەردى ەلدەن قۋۋىمىز كەرەك. بۇل قادامدى قىلمىسكەرلەردەن باستايمىز، ءسوزسىز سولاي ىستەگەن ءجون. سودان كەيىن كەزەك وزگەلەرگە كەلەدى، نە بولاتىنىن ۋاقىت كورسەتەدى. وزگە دەگەن ول - قىلمىسقا قاتىسى جوق ادامدار، - دەدى دونالد ترامپ كريستەن ۋەلكەرمەن «باسپاسوزبەن كەزدەسۋ» باعدارلاماسىنا بەرگەن سۇحباتىندا.
ا ق ش- تىڭ مەكسيكامەن شەكاراسىنداعى شەكتەۋلەردى كۇشەيتۋ ترامپتىڭ سايلاۋ ناۋقانىنىڭ باستى بولىمدەرىنىڭ ءبىرى بولدى.
بۇرىن جازعانىمىزداي، ا ق ش- تىڭ جاڭادان سايلانعان پرەزيدەنتى دونالد ترامپ 2021 -جىلى ۆاشينگتوندا بولعان تارتىپسىزدىكتەرگە قاتىستى سوتتالعانداردىڭ ءىسىن قىزمەتىنە كىرىسكەننەن كەيىن ءبىرىنشى كۇنى قايتا قاراۋعا نيەتتى.
