تراكتور مىنگەن فەرمەرلەر بريۋسسەلگە قايتىپ ورالماق

 استانا. KAZINFORM - بۇگىن بەلگيا استاناسىندا ەۋروپالىق فەرمەرلەردىڭ كەزەكتى اكسياسى وتەدى.

شارۋالار ميتينگى ە و- عا مۇشە ەلدەردىڭ اۋىل شارۋاشىلىعى جانە بالىق شارۋاشىلىعى مينيسترلەرىنىڭ كەزدەسۋى جوسپارلانىپ وتىرعان ەۋروكوميسسيا عيماراتىنىڭ جانىندا وتەدى.

فەرمەرلەر ەۋروپالىق اۋىل شارۋاشىلىعىنىڭ قازىرگى ساياساتىنا نارازىلىق بىلدىرۋدە.

وسىعان بايلانىستى جەرگىلىكتى پوليتسيا كولىك جۇرگىزۋشىلەرىنە ەل استاناسىنىڭ بارلىق اۋماعىندا كولىك قوزعالىسىنىڭ ايتارلىقتاي بۇزىلۋى تۋرالى ەسكەرتتى. جولاۋشىلارعا ەرتەڭ جۇمىسقا بارۋ جانە قايتۋ ءۇشىن بالاما كولىك تۇرلەرىن ىزدەۋ ۇسىنىلادى.

پوليتسيا بريۋسسەلگە كولىكپەن بارماۋدى كەڭەس ەتتى. مۇمكىندىگى بار ازاماتتارعا قوعامدىق كولىكپەن جۇرۋگە نەمەسە جۇمىسقا ۆەلوسيپەدپەن بارۋ ۇسىنىلعان.