ترامپ دجەنسەن حۋانگتىڭ ورنىنا NVIDIA باسشىسى قىزمەتىنە تيم كۋكتى ۇسىندى
استانا. KAZINFORM – ا ق ش پرەزيدەنتى دونالد ترامپ NVIDIA كومپانياسىنىڭ باس ديرەكتورى قىزمەتىنەن كەتكەن دجەنسەن حۋانگتىڭ ورنىنا Apple كومپانياسىنىڭ بۇرىنعى باسشىسى تيم كۋكتى ۇسىندى.
بۇل تۋرالى ا ق ش پرەزيدەنتى Truth Social الەۋمەتتىك جەلىسىندەگى پاراقشاسىندا حابارلادى.
- NVIDIA باس ديرەكتورى، تاماشا جۇمىس اتقارعان دجەنسەن حۋانگ قىزمەتىنەن كەتكەننەن كەيىن ونىڭ ورنىن باساتىن ءبىر عانا ادام بار - Apple كومپانياسىنىڭ باسشىسى تيم كۋك. اڭىزدىڭ ورنىن اڭىز باسادى! - دەپ جازدى ترامپ Truth Social الەۋمەتتىك جەلىسىندەگى پاراقشاسىندا.
ەسكە سالا كەتەيىك، NVIDIA كومپانياسى 12-قاراشادا دجەنسەن حۋانگتىڭ پرەزيدەنت جانە باس ديرەكتور قىزمەتىنەن كەتكەنىن، سونداي اق ديرەكتورلار كەڭەسىنىڭ قۇرامىنان شىققانىن حابارلادى. كومپانيانىڭ قارجى ديرەكتورى كولەتت كرەسس ۋاقىتشا باس ديرەكتور بولىپ تاعايىندالدى. قازىر ديرەكتورلار كەڭەسى كومپانيانىڭ ىشىنەن دە، سىرتتان دا تۇراقتى باسشى ىزدەستىرىپ جاتىر.
بۇعان دەيىن تيم كۋكتىڭ 2026-جىلعى 1-قىركۇيەكتەن باستاپ Apple كومپانياسى ديرەكتورلار كەڭەسىنىڭ اتقارۋشى ءتوراعاسى قىزمەتىنە اۋىساتىنى حابارلانعان ەدى. ال ونىڭ ورنىنا كومپانيانىڭ اپپاراتتىق قامتاماسىز ەتۋ جونىندەگى اعا ۆيتسە- پرەزيدەنتى دجون تەرنۋس باس ديرەكتور بولىپ تاعايىندالۋى جوسپارلانعان.
