ترامپ ءۇش ەلدىڭ قورعانىس كەلىسىمىنە قولداۋ ءبىلدىردى
استانا. KAZINFORM – ا ق ش پرەزيدەنتى دونالد ترامپ ساۋد ارابياسى، تۇركيا جانە پاكىستان اراسىنداعى بىرلەسكەن قورعانىس كەلىسىمىن ماڭىزدى جانە باتىل قادام دەپ اتادى، دەپ حابارلايدى اگەنتتىكتىڭ ۆاشينگتونداعى ءتىلشىسى.
- ساۋد ارابياسى، تۇركيا جانە پاكىستان جاقىندا مەككەدە بىرلەسكەن قورعانىس تۋرالى كەلىسىمگە قول قويعانىنا وتە قۋانىشتىمىن. بۇل تاياۋ شىعىستىڭ ءبىرتۇتاستىققا اينالىپ كەلە جاتقانىن جانە ەلدەردىڭ وزدەرىن ءتيىمدى قورعاي الاتىنىن كورسەتەدى، - دەدى ترامپ Truth Social الەۋمەتتىك جەلىسىندە.
ا ق ش پرەزيدەنتى ءۇش ەلدىڭ كوشباسشىلارىن قۇتتىقتادى.
- بۇل ۇلكەن ءارى ماڭىزدى قادام، - دەدى ترامپ.
بۇعان دەيىن تۇركيا، ساۋد ارابياسى جانە پاكىستان قورعانىس تۋرالى ءۇشجاقتى كەلىسىمگە قول قويعان بولاتىن.
