ترامپ اتلانت نەمەسە تىنىق مۇحيتىن ءوز اتىمەن اتاۋدى ۇسىندى
استانا. kazinform – ا ق ش پرەزيدەنتى دونالد ترامپ قىزمەتىنەن كەتپەي تۇرىپ اتلانت نەمەسە تىنىق مۇحيتتارىنىڭ ءبىرىنىڭ اتاۋىن «ترامپ مۇحيتى» نە «امەريكا مۇحيتى» دەپ وزگەرتۋدى جوسپارلاپ وتىر، دەپ جازادى ت ا س س.
- بىزگە مۇحيت كەرەك. سوندىقتان اتلانت مۇحيتىن نەمەسە تىنىق مۇحيتىن وزگەرتۋدى ويلاپ ءجۇرمىن. ونى «ترامپ مۇحيتى» نەمەسە «امەريكا مۇحيتى» دەپ اتايمىز. شامامەن وسىنداي اتاۋ بولادى. مۇنى مەن قىزمەتىمنەن كەتپەي تۇرىپ جاساۋىمىز كەرەك. مەنىڭ ويىمشا، بىزگە ءوز مۇحيتىمىز كەرەك، سونداي-اق ۇلى وزەنىمىز دە بولۋى قاجەت. ءبىراق ميسسيسيپي وزەنىنىڭ اتاۋىن وزگەرتپەيمىن. ماعان ميسسيسيپي ۇنايدى، - دەدى ول.
سونداي-اق دونالد ترامپ ورمۋز بۇعازىن «ترامپ بۇعازى» دەپ قايتا اتاۋ مۇمكىندىگىن تاعى ءدا سوز ەتتى.
بۇعان دەيىن ا ق ش پرەزيدەنتى مەكسيكا شىعاناعىن «امەريكا شىعاناعى»، ال ونتاريو كولىن «امەريكا كولى» دەپ قايتا اتاۋ تۋرالى جارلىقتارعا قول قويعان. بۇل قۇجاتتار فەدەرالدىق ۇكىمەتتىڭ رەسمي قۇجاتتارى مەن فەدەرالدىق كارتالاردا اتالعان گەوگرافيالىق نىسانداردىڭ قالاي اتالاتىنىن وزگەرتەدى. دەگەنمەن، ترامپتان كەيىنگى پرەزيدەنتتەر بۇل وزگەرىستەردىڭ كۇشىن جوياتىن اتقارۋشىلىق جارلىقتارعا قول قويۋى مۇمكىن.
ايتا كەتەيىك، بۇعان دەيىن ا ق ش پرەزيدەنتى نيۋ-مەكسيكو شتاتىن «جاڭا امەريكا» دەپ قايتا اتاۋدى ۇسىنعان بولاتىن.
