تەرگەۋ دۋروۆتى جاۋاپ الۋ ءۇشىن سوتقا جىبەردى

استانا. KAZINFORM - تەرگەۋشى Telegram مەسسەندجەرىنىڭ نەگىزىن قالاۋشى پاۆەل دۋروۆتى سوتقا جىبەرۋدى بۇيىردى، ول جەردە وعان ايىپ تاعىلۋى مۇمكىن. بۇل تۋرالى پاريج پروكۋراتۋراسى حابارلادى، دەپ جازادى ت ا س س.

- تەرگەۋشى دۋروۆتى قاماۋدان بوساتىپ، وعان ايىپ تاعۋ ءۇشىن سوتقا بەرۋدى بۇيىردى،- دەلىنگەن ۆەدومستۆو مالىمدەمەسىندە.

وسىعان دەيىن پاۆەل دۋروۆقا 12 ءتۇرلى ايىپ تاعىلعانى تۋرالى جازدىق.

پاريج پروكۋراتۋراسى پاۆەل دۋروۆقا تاعىلۋى مۇمكىن 12 ايىپتى ءتىزىپ ايتقان، ونىڭ ىشىندە قۇزىرلى ورگاندارعا اقپارات بەرۋدەن باس تارتۋ، الاياقتىق پەن ەسىرتكى ساتۋعا قاتىسىنىڭ بولۋى، بالالاردىڭ پورنوگرافيالىق ۆيدەولارىن ساقتاۋعا، كيبەرقىلمىستارعا، اقشا جىلىستاتۋعا قاتىسۋى جانە ت. ب. بار.

سونداي-اق دۋروۆتىڭ قاماۋعا الىنۋى Telegram رەيتينگىسىن جاقسارتتى.

باسىلىمنىڭ مالىمەتىنشە، Telegram ا ق ش- تىڭ ۇزدىك موبيلدى قوسىمشالارى (ويىنداردى قوسپاعاندا) رەيتينگىندە 18-ورىننان 8-ورىنعا كوتەرىلدى. بۇل ا ق ش- تاعى كەم دەگەندە 2023 -جىلدىڭ 1-قاڭتارىنان بەرگى ەڭ جوعارى رەيتينگ.