20:53, 15 - قاڭتار 2025 | GMT +5
تۋنيستەگى قازاق باپكەرى ۇلتتىق قۇرامانى جاتتىقتىراتىن بولدى
استانا. KAZINFORM - پاريج وليمپياداسىنا تۋنيس قۇراماسىن باستاپ بارىپ، جوعارى ناتيجەگە قول جەتكىزگەن قازاق باپكەرى ەسبول سۇلتانوۆ ەندى قازاقستان قۇراماسىن جاتتىقتىرادى.

جۋرناليست اسلان قاجەنوۆ جازعانداي، ەسبول ەلگە كەلىپ، ۇلتتىق قۇراما تىزگىنىن ۇستايدى.
بۇعان دەيىن ول پاريج وليمپياداسىندا تاەكۆوندودان تۋنيس قۇراماسىن دايىنداپ، 1 التىن، 1 قولا جەڭىپ العان ەدى. ەندى ەسبول ەلگە ورالىپ، قازاقستاندىق قىز-جىگىتتەردى جاتتىقتىراتىن بولدى، - دەپ جازدى جۋرناليست.
ايتا كەتەيىك، ەسبول سۇلتانوۆ بىلتىر 2024-جىلدىڭ «ۇزدىك باپكەرى» اتاندى. بۇل ماراپاتتى وعان World Taekwondo فەدەراتسياسى تابىستاعان بولاتىن.