ۆەتنامنىڭ ەڭ جوعارى اسكەري ناگراداسىمەن ماراپاتتالعان قازاق قولباسشىسى - جانسەن كەرەيەۆ

بۇگىن ەلوردا تورىندەگى كەلىسسوز بارىسىندا قاسىم-جومارت توقايەۆ پەن تو لام گەنەرال- لەيتەنانت، وتانداسىمىز جانسەن كەرەيەۆتىڭ قازاقستان مەن ۆەتنام اراسىنداعى اسكەري-تەحنيكالىق ىنتىماقتاستىقتى دامىتۋعا قوسقان ەلەۋلى ۇلەسىن اتاپ ءوتتى، دەپ حابارلايدى Qaz365.kz.

بۇل تۋرالى ق ر پرەزيدەنتىنىڭ باسپا ءسوز قىزمەتى مالىمدەدى.

گەنەرال-لەيتەنانت جانسەن كەرەيەۆ - كەڭەس داۋىرىندەگى العاشقى كاسىبي قازاق قولباسشىلارىنىڭ ءبىرى. ونىڭ قاتارداعى جاۋىنگەردەن ەڭ ءىرى ديۆيزيانىڭ كومانديرىنە دەيىنگى جولى اسقان ەرلىك پەن وتانعا دەگەن ادالدىقتىڭ سيمۆولىنا اينالدى.

جانسەن كەرەيەۆ 1930 -جىلدىڭ 1-قاڭتارىندا اقتوبە وبلىسىندا دۇنيەگە كەلگەن. م. ۆ. فرۋنزە اتىنداعى اسكەري اكادەميانى جانە ك س ر و قارۋلى كۇشتەرى باس شتابىنىڭ اكادەمياسىن التىن مەدالمەن ءتامامداپ، ۇلى وتان سوعىسىنا قاتىسقان.

ول گەرمانياداعى كەڭەس اسكەرلەرىنىڭ قۇرامىنداعى ەليتالىق بولىمشەلەرگە قولباسشىلىق ەتىپ، پريۆولجە اسكەري وكرۋگىندە جوعارى لاۋازىمدار اتقاردى.

1982 -جىلى ۆەتنامعا اعا اسكەري كەڭەسشى رەتىندە جىبەرىلىپ، ۆەتنام قارۋلى كۇشتەرىنىڭ دامۋىنا جانە قورعانىس قابىلەتىنىڭ ارتۋىنا ۇلەس قوستى. جانسەن كەرەيەۆ - گەرمانيادا «قارۋلاس باۋىرلاستىق» مەدالىمەن جانە ارتۋر بەككەر وردەنىنىڭ 3 دارەجەسىنىڭ بارىمەن ماراپاتتالعان جالعىز قازاق. 1983 -جىلى دۇنيەدەن وتكەن ول الماتىدا، قازاق حالقىنىڭ تاعى ءبىر داڭقتى ۇلى باۋىرجان مومىش ۇلىنىڭ قاسىنا جەرلەندى.

سونداي-اق ول حو شي ميننىڭ باستاماسىمەن ۆەتنامنىڭ ەڭ جوعارى اسكەري ناگراداسى - قىزىل تۋ وردەنىمەن ماراپاتتالعان.