ۆەتنام تاعى ءبىر كۇشتى ياگي تايفۋنىنا دايىندىق ۇستىندە

استانا. KAZINFORM - وڭتۇستىك قىتاي تەڭىزىمەن شەكتەسەتىن ەلدە كوپتەگەن ادامداردىڭ ءومىرىن قيىپ، ونەركاسىپكە، وندىرىسكە جانە مۇلىككە ەلەۋلى زيان كەلتىرەتىن تروپيكالىق داۋىلدار ءجيى سوعادى. بۇل تۋرالى Azertag.az حابارلادى.

ۇكىمەت الداعى 24 ساعاتتا قاتتى جەلدىڭ كۇشەيۋى مۇمكىن ەكەنىن ايتىپ، جاعالاۋداعى پروۆينتسيالاردى ەسكەرتتى. نوسەر جاۋىن جاۋۋى مۇمكىن.

تايفۋن قوزعالىسىن بولجاۋ قيىن، ونىڭ باعىتى، جىلدامدىعى مەن كۇشى وزگەرىپ تۇرۋى مۇمكىن ەكەندىگى دە اتاپ ءوتىلدى.

ۆەتنام بيىل ازيادا بولعان ەڭ كۇشتى «ياگي» تايفۋنى سالدارىنان ەندى قالپىنا كەلۋدە.

تابيعي اپاتتاردى باسقارۋ اگەنتتىگىنىڭ مالىمەتى بويىنشا، تايفۋن سالدارىنان بولعان سۋ تاسقىنى مەن كوشكىننەن بارلىعى 291 ادام قازا تاپتى. 38 ادام ءىز- ءتۇسسىز جوعالىپ، 2 مىڭعا جۋىق ادام جارالانعانى اتاپ ءوتىلدى.

Reuters اگەنتتىگىنىڭ حابارلاۋىنشا، سولتۇستىكتەگى بىرنەشە پروۆينتسيادا ونەركاسىپ ءوندىرىسى توقتاپ، 235 مىڭ ءۇي قيراعان نەمەسە بۇلىنگەن، 300 مىڭ گەكتاردان استام كۇرىش پەن باسقا دا ەگىس القاپتارى سۋ استىندا قالعان.

مەتەورولوگيالىق اگەنتتىك جاڭا داۋىل بەيسەنبى كۇنى كەشكە نەمەسە جۇما كۇنى تاڭەرتەڭ ورتالىق دانانگ قالاسىنا جاقىندايدى دەپ بولجادى.

دانانگ پەن كورشىلەس كۋانگنام پروۆينتسياسىنىڭ بيلىگى تەڭىزدە كەلە جاتقان داۋىل تۋرالى ەسكەرتىپ، ىزدەۋ-قۇتقارۋ جوسپارىن دايىنداپ جاتىر.

ايتا كەتەيىك، بۇعان دەيىن ۆەتنامدا «ياگي» تايفۋنىنان قازا تاپقاندار سانى 233 ادامعا جەتكەنى تۋرالى جازعان بولاتىنبىز.