تەمىرتاۋدا اتىس بولدى، جارالانعان ادام بار
استانا. KAZINFORM - تەمىرتاۋداعى اتىس ۆيدەوعا ءتۇسىپ قالدى. وقيعا سالدارىنان ءبىر ادام زارداپ شەكتى.
الەۋمەتتىك جەلىدە وقيعانىڭ ۆيدەوسى پايدا بولدى. جازبادا اتىس تەمىرتاۋداعى مەكەمەلەردىڭ ءبىرىنىڭ اۆتوتۇراعىندا بولعانى ايتىلعان. اۆتور قاتىسۋشىلاردىڭ اراسىنداعى جانجال كولىك تۇراعىنا بايلانىستى بولعان دەپ بولجاعان.
ۆيدەوعا قاراعاندى وبلىسىنىڭ پوليتسيا دەپارتامەنتىنىڭ باسپا ءسوز قىزمەتى پىكىر ءبىلدىردى. ۆەدومستۆو مالىمەتىنشە، قاقتىعىسقا قاتىسۋشىلاردىڭ جەكە باسى انىقتالعان. ولاردى ۇستاۋ بويىنشا كەشەندى تەرگەۋ شارالارى جۇرگىزىلىپ جاتىر.
«4-ساۋىرگە قاراعان ءتۇنى تەمىرتاۋ ورتالىق اۋرۋحاناسىنا 27 جاستاعى جەرگىلىكتى تۇرعىن وق جاراقاتىن الۋىنا بايلانىستى جۇگىندى. وسى دەرەك بويىنشا قىلمىستىق ءىس قوزعالدى. وقيعاعا قاتىسۋشىلاردىڭ بارلىعى انىقتالدى»، - دەپ حابارلايدى قاراعاندى وبلىستىق پوليتسيا دەپارتامەنتىنىڭ قىزمەتى.
