تەمىرجول كومپانياسى زاڭ بۇزعانى ءۇشىن 23 ميلليون ايىپپۇل تولەدى
استانا. KAZINFORM - ق ر باسەكەلەستىكتى قورعاۋ جانە دامىتۋ اگەنتتىگىنىڭ اتىراۋ وبلىسى بويىنشا دەپارتامەنتى اتىراۋ كولىك پروكۋراتۋراسىمەن بىرلەسىپ «Batys Trans Group» ج ش س تەكسەرىس جۇرگىزدى. بۇل تۋرالى ق ر باسەكەلەستىكتى قورعاۋ جانە دامىتۋ اگەنتتىگى جازدى.
تەكسەرىستىڭ اياسىندا «Batys Trans Group» ج ش س-نىڭ ارەكەتتەرىندە مونوپوليالىق جوعارى باعالاردى بەلگىلەۋدە، ۇستاپ تۇرۋ جانە ءمانى بىردەي كەلىسىمدەرگە ءارتۇرلى باعالاردى مەن شارتتاردى قولدانۋ، ياعني مونوپوليالىق جاعدايدى تەرىس پايدالانۋ ارقىلى باسەكەلەستىكتى قورعاۋ سالاسىنداعى زاڭناماسىن بۇزۋ فاكتىسى انىقتالدى.
پروكۋراتۋرا ۇسىنىسى نەگىزىندە دەپارتامەنت «Batys Trans Group» ج ش س-نە قاتىستى قازاقستان رەسپۋبليكاسى «اكىمشىلىك قۇقىق بۇزۋشىلىق تۋرالى» كودەكسىنىڭ 159-بابىنىڭ 3-بولىگى جانە 3-1-بولىگى بويىنشا اكىمشىلىك قۇقىق بۇزۋشىلىق تۋرالى ءىس قوزعادى.
ءىستى قاراۋ قورىتىندىسى بويىنشا اتىراۋ قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىنىڭ قاۋلىسىمەن «Batys Trans Group» ج ش س-نە اكىمشىلىك قۇقىق بۇزۋشىلىق جاساعانى ءۇشىن 52 ميلليون تەڭگەدەن استام سوماداعى مونوپوليستىك قىزمەتتى جۇزەگە اسىرۋ ناتيجەسىندە الىنعان مونوپوليستتىك كىرىسىن تاركىلەۋمەن 23 ميلليون تەڭگەدەن استام سومادا اكىمشىلىك ايىپپۇل سالا وتىرىپ اكىمشىلىك جاۋاپكەرشىلىككە تارتىلىپ، بۇگىنگى كۇنى مەملەكەت پايداسىنا تولىق كولەمدە ءوندىرىلدى.
