تەمىر رۋداسى ءتورت جىل بويى زاڭسىز ءوندىرىلىپ، شەتەلگە شىعارىلعان

قاراعاندى. KAZINFORM - قاراعاندى وبلىسىنىڭ مامانداندىرىلعان تابيعات قورعاۋ پروكۋراتۋراسى قاداعالاۋ قىزمەتى بارىسىندا پايدالى قازبالاردى زاڭسىز ءوندىرۋ فاكتىلەرىن انىقتادى.

​وسى فاكتىلەر بويىنشا قاراعاندى وبلىسىنىڭ ارنايى پروكۋرورلارى سوتقا دەيىنگى تەرگەپ-تەكسەرۋ امالىن جۇرگىزدى.

اۋدان كاسىپورىنداردىڭ ءبىرى ءتورت جىل بويى تەمىر رۋداسىن ليتسەنزياسىز زاڭسىز ءوندىرىپ، ونى شەتەلگە شىعارعانى انىقتالدى.

- سالدارىنان مەملەكەتكە 2 ميلليارد تەڭگەدەن استام شىعىن كەلتىرىلگەن. ء ​ۇش كۇدىكتى قاماۋعا الىنىپ، 500 ميلليون تەڭگەدەن استام مۇلىككە تىيىم سالىندى، - دەلىنگەن قاراعاندى وبلىسىنىڭ پروكۋراتۋراسى حابارلاماسىندا.

قىلمىستىق ءىس سوتقا جىبەرىلدى.