تۇكىرۋ، مۇعالىمدى، دارىگەردى بالاعاتتاۋ. 1-قاڭتاردان باستاپ ايىپپۇل قانشا تەڭگەگە وسەدى؟

قازاقستاندا 2025 -جىلعا ارنالعان ايلىق ەسەپتىك كورسەتكىش (ا ە ك) بەكىتىلدى. ونىڭ مولشەرى - 3932 تەڭگە، ياعني ا ە ك-پەن ەسەپتەلەتىن كەز كەلگەن تولەم، سونىڭ ىشىندە ايىپپۇل كولەمى دە ارتادى. 1-قاڭتاردان باستاپ ايىپپۇل مولشەرى قالاي وزگەرەدى؟

2024 -جىلى 1 ا ە ك 3692 تەڭگەگە تەڭ. ەندى 2025 -جىلدان باستاپ ول 240 تەڭگەگە وسپەك. ەندەشە، 2025 -جىلى 1-قاڭتاردان باستاپ قۇقىق بۇزىپ، ايىپپۇل ارقالاعاندار قانشا تەڭگە تولەيدى؟

رامىزدەردى قورلاۋ

قىلمىستىق كودەكستىڭ «مەملەكەتتىك رامىزدەردى قورلاۋ» تۋرالى 372-بابىنا وزگەرىستەر ەنگىزىلدى. وزگەرىستەر ناتيجەسىندە رامىزدەردى قورلاۋ دەرەگى ءۇشىن ايىپپۇل كولەمى 3000 ا ە ك-كە ءوستى.

2025 -جىلدان باستاپ 1 ا ە ك 3932 تەڭگە، دەمەك 3000 ا ە ك 11796000 تەڭگە بولادى.

كىرەبەرىستە قوقىس قالدىرۋ

پاتەرگە كىرەبەرىستەگى ەسىگىنىڭ قاسىنا قوقىس سالىنعان دوربانى قالدىرعانى ءۇشىن اكىمشىلىك قۇقىقبۇزۋشىلىق تۋرالى كودەكستىڭ 505-بابىنا سايكەس «اباتتاندىرۋ قاعيدالارىن بۇزعانى» ءۇشىن 20 ا ە ك ايىپپۇل سالىنادى. ال بۇل ارەكەتتى ازامات ءبىر جىل ىشىندە قايتالاپ جاساسا، وندا 30 ا ە ك كولەمىندە ايىپپۇل سالىنادى.

20 ا ە ك 78640 تەڭگەگە تەڭ بولسا، 30 ا ە ك 117960 تەڭگە.

تىنىشتىقتى بۇزۋ

ەلىمىزدە زاڭ بويىنشا كەشكى ساعات 22.00-دەن تاڭەرتەڭگى 9.00-گە دەيىن تىنىشتىقتى بۇزۋعا بولمايدى. تۇرعىن ءۇي عيماراتتارى مەن تۇرعىن ءۇي قۇرىلىسى اۋماقتارىندا ورنالاسقان ويىن- ساۋىق ورىندارىنا جۇمىس كۇندەرى ساعات 22.00-دەن تاڭعى 9.00-گە دەيىن، دەمالىس جانە مەرەكە كۇندەرى ساعات 23.00-دەن تاڭعى 10.00-گە دەيىن شۋلاۋعا تىيىم سالىنادى. ءتارتىپ بۇزعان جەكە تۇلعالارعا - 5 ا ە ك (19660 تەڭگە)، ءبىر جىل ىشىندە قايتالانسا 10 ا ە ك (39320 تەڭگە) ايىپپۇل سالىنادى. ال كاسىپكەرلەرگە 20 ا ە ك- تەن 150 ا ە ك-كە دەيىن (78640 - 589800 تەڭگە) ايىپپۇل سالىنادى.

قوعامدىق ورىندا تۇكىرۋ

قوعامدىق ورىندا تۇكىرگەنى ءۇشىن، سونداي-اق بەلگىلەنبەگەن جەرلەردە قوقىس تاستاعانى ءۇشىن قۇقىق بۇزعان ادامعا ءبىرىنشى رەت 5 ا ە ك، ياعني 19660 تەڭگە ايىپپۇل سالىنادى. ال ازامات وسى ارەكەتىن قايتالاسا، وندا 10 ا ە ك، ياعني 39320 تەڭگە كولەمىندە ايىپپۇل تولەيدى.

كولىك جۇرگىزگەندە تەلەفون پايدالانۋ نەمەسە بەلبەۋ تاقپاۋ

جولاۋشىلار مەن جۇكتەردى تاسىمالداۋ ەرەجەلەرىن بۇزعانى، قاۋىپسىزدىك بەلبەۋىن تاقپاعانى جانە كولىك جۇرگىزىپ بارا جاتقاندا تەلەفون پايدالانعانى ءۇشىن جۇرگىزۋشىلەرگە 5 ا ە ك كولەمىندە ايىپپۇل سالىنادى. بۇل 2025 -جىلى 19660 تەڭگە.

قۇجاتسىز كولىك جۇرگىزۋ

جۇرگىزۋ قۇقىعى جوق جۇرگىزۋشىنىڭ كولىكتى باسقارۋى 20 ا ە ك، ياعني 78640 تەڭگە كولەمىندە ايىپپۇل تولەيدى. كولىك قۇرالىن باسقارۋ قۇقىعىنان ايىرىلعاندار كولىك جۇرگىزسە، ولارعا 50 ا ە ك، ياعني 196600 تەڭگە ايىپپۇل سالىنادى نەمەسە 20 تاۋلىككە قاماۋعا الىنادى.

اۆتوبۋستا جولاقى تولەمەۋ

قالا جانە قالا ماڭىنداعى قوعامدىق كولىكتە جولاقىنى تولەمەگەندەرگە 2 ا ە ك، ياعني 7864 تەڭگە ايىپپۇل سالىنادى.

كامەلەتكە تولماعانداردىڭ تۇندە ءجۇرۋى

كامەلەتكە تولماعاندار زاڭدى وكىلدەرىنسىز 22:00-دەن تاڭعى 6:00-گە دەيىن ويىن- ساۋىق مەكەمەلەرىندە بولسا، ولاردىڭ اتا-اناسىنا 3 ا ە ك (11796 تەڭگە) مولشەرىندە ايىپپۇل سالىنادى. ال 18 جاسقا تولماعان بالا 23:00-دەن تاڭعى 6:00-گە دەيىن ۇيدەن تىس جەردە جۇرسە، وندا زاڭدى وكىلدەرىنە ەسكەرتۋ جاسالادى. ەگەر وسى ارەكەتتەر ءبىر جىل ىشىندە قايتالانسا، وندا بالانىڭ زاڭدى وكىلدەرىنە 7 ا ە ك (27524 تەڭگە) ايىپپۇل سالىنادى.

جولدى كەسىپ ءوتۋ

جاياۋ جۇرگىنشىلەر جول قوزعالىسى ەرەجەلەرىن ساقتاماعانى ءۇشىن (قاتە جەردەن ءوتۋ جانە ت. ب. ) 2 ا ە ك (7864 تەڭگە) كولەمىندە ايىپپۇل تولەيدى. ءبىر جىل ىشىندە قايتالاپ بۇزعانى ءۇشىن ايىپپۇل 10 ا ە ك- كە (39 320 تەڭگە) دەيىن وسەدى.

جىلدامدىقتى اسىرۋ

كولىك جىلدامدىعىن اسىرعانى ءۇشىن:

- ساعاتىنا 10-20 شاقىرىمعا اسىرعانى ءۇشىن ايىپپۇل 5 ا ە ك (19660 تەڭگە).

- ساعاتىنا 20-40 شاقىرىمعا اسىرعانى ءۇشىن 10 ا ە ك (39320 تەڭگە).

- ساعاتىنا 40 شاقىرىمنان اسىرعانى ءۇشىن ايىپپۇل قازىردىڭ وزىندە 20 ا ە ك (78640 تەڭگە).

اكىمشىلىك جازا قولدانىلعاننان كەيىن ءبىر جىل ىشىندە جىلدامدىقتى قايتالاعانى ءۇشىن 30 ا ە ك (117960 تەڭگە) ايىپپۇل قاراستىرىلعان.

قوعامدىق ورىندا بالاعات ءسوز ايتۋ

2023 -جىلعى ناۋرىز ايىنان باستاپ زاڭعا قوعامدىق ورىنداردا بالاعات ءسوز ايتقاندارعا 20 ا ە ك، ياعني بۇل 78640 تەڭگە نەمەسە 30 تاۋلىككە قاماۋعا الىنادى.

ا ق ب ت ك-نىڭ 73-بابى بويىنشا وتباسىندا جانە تۇرمىستا بالاعات ءسوز ايتقانى ءۇشىن ەسكەرتۋ نەمەسە 5 ا ە ك (19660 تەڭگە) كولەمىندە ايىپپۇل سالىنادى.

مۇعالىمدى نەمەسە دارىگەردى بالاعاتتاۋ

مۇعالىمدى نەمەسە دارىگەردى بالاعاتتاساڭىز، 10 ا ە ك (39320 تەڭگە) كولەمىندە ايىپپۇل قاراستىرىلعان.

ايلىق ەسەپتىك كورسەتكىش (ا ە ك) دەگەن نە؟

بۇل كورسەتكىش مىنا سەبەپتەرمەن قولدانىلادى:

جاردەماقى، زەينەتاقى جانە الەۋمەتتىك تولەم مولشەرىن ەسەپتەۋ.

سالىق جانە باسقا دا مىندەتتى تولەمدى ەسەپتەۋ.

ايىپپۇل مەن باسقا سانكتسيالاردىڭ مولشەرىن انىقتاۋ.

جىل سايىن ا ە ك مولشەرى رەسپۋبليكالىق بيۋدجەت تۋرالى زاڭمەن بەكىتىلەدى.

Massaget.kz