TikTok-تا ادەپسىز ۆيدەو جاريالاعان شەتەل ازاماتىنا ايىپپۇل سالىندى
استانا. kazinform - استانادا پوليتسيا قىزمەتكەرلەرى TikTok الەۋمەتتىك جەلىسىندە ادەپسىز سوزدەر مەن قوعامدىق ءتارتىپ نورمالارىن بۇزاتىن ءسوز تىركەستەرى بار بەينەجازبانى جاريالاعان 25 جاستاعى شەتەل ازاماتىن انىقتادى، دەپ حابارلايدى Polisia.kz.
بەينەجازبا استاناداعى ماڭگىلىك ەل داڭعىلىندا ورنالاسقان تريۋمفالدى اركا اۋماعىندا تۇسىرىلگەن. ۆيدەو كەيىن الەۋمەتتىك جەلىدە جاريالانعان.
بەينەجازبا اۆتورى انگەلينا ۆانيناعا سوت شەشىمىمەن 20 ا ە ك مولشەرىندە ايىپپۇل سالىندى.
- پوليتسيا ازاماتتاردى قوعامدىق ورىنداردا قوعامدىق ءتارتىپ نورمالارىن ساقتاپ، ادەپتى مىنەز-قۇلىق تانىتۋعا شاقىرادى. قۇقىققا قايشى نەمەسە قورلايتىن مازمۇنداعى كونتەنتتى جاريالاۋ قازاقستان رەسپۋبليكاسىنىڭ زاڭناماسىندا كوزدەلگەن جاۋاپكەرشىلىككە اكەپ سوعۋى مۇمكىن ەكەنىن ەسكەرتەدى، - دەلىنگەن اقپاراتتا.
