TikTok قازاقستاندا پلاتفورمانىڭ جابىلۋى تۋرالى ايدا بالايەۆانىڭ سوزىنە جاۋاپ بەردى

тикток
Фото: Pexels

استانا. - TikTok رەسمي وكىلى مادەنيەت جانە اقپارات ءمينيسترى ايدا بالايەۆانىڭ قازاقستان اۋماعىندا پلاتفورمانىڭ جابىلۋى مۇمكىن دەگەن پىكىرىنە تۇسىنىكتەمە بەردى.

«ءبىز ق ر مادەنيەت جانە اقپارات مينيسترلىگىنىڭ ەلدەگى TikTok-تى بۇعاتتاۋ مۇمكىندىگىن قاراستىرىپ جاتقانىنا تاڭ قالدىق، ويتكەنى مينيسترلىك قازاقستانداعى ناۋرىز ونلاين فەستيۆالى، قىسقا بەينەفيلمدەر بايقاۋى سياقتى كوپتەگەن باستامالارىمىزدى بەلسەندى قولداپ كەلگەن ەدى»، - دەپ اتاپ ءوتتى پلاتفورمانىڭ رەسمي وكىلى.

سپيكەردىڭ ايتۋىنشا، وتكەن جۇمادا مينيسترلىك وكىلى الماتىدا وتكەن ءىس- شارادا ءسوز سويلەپ، TikTok-تى مادەنيەت پەن باسقا دا پايدالى كونتەنتتى ناسيحاتتاۋعا كومەكتەسەتىن پلاتفورما رەتىندە ماقتاعان.

«قاۋىپسىزدىككە، اسىرەسە جاس پايدالانۋشىلارعا كەلسەك، بۇل TikTok-تىڭ ابسوليۋتتى باسىمدىعى جانە وعان كوپ كۇش جۇمسايمىز. سونىڭ ىشىندە قاۋىمداستىق ەرەجەلەرىن بۇزاتىن كونتەنتتى بەلسەندى جانە اگرەسسيۆتى تۇردە جويامىز. 2023 -جىلى ءبىز قازاقستاندا ەرەجەنى بۇزعان ءتورت ميلليوننان استام بەينەروليكتى الىپ تاستادىق. ءبىز ق ر مادەنيەت جانە اقپارات مينيسترلىگى مەن ىشكى ىستەر مينيسترلىگىن قوسا العاندا، مۇددەلى بيلىك ورگاندارىمەن تىكەلەي جۇمىس ىستەيمىز»، - دەدى سپيكەر.

پلاتفورما وكىلى سوڭعى ايلاردا TikTok كامەلەتكە تولماعان پايدالانۋشىلاردىڭ قاۋىپسىزدىگىنە قاتىستى كونتەنتتى ءوشىرۋ جونىندە ءوتىنىش تۇسپەگەنىن حابارلادى.

«وسىعان بايلانىستى جانە ىرگەلى ىنتىماقتاستىعىمىزدى ەسكەرە وتىرىپ، ءمينيستردىڭ مالىمدەمەسى دايەكسىز بولىپ كورىنەدى. ەلدەگى ميلليونداعان ادامدار كۇن سايىن TikTok-تى شىعارماشىلىقپەن ءبولىسۋ، تاجىريبەلەرىن بايىتۋ جانە تابىس تابۋ ءۇشىن پايدالانادى. ءبىزدىڭ جەرگىلىكتى قاۋىمداستىق پلاتفورمامىزدى پايدالانۋدى جالعاستىرادى دەپ ۇمىتتەنەمىز، ال ءبىز پايدالانۋشىلارىمىزدىڭ قاۋىپسىزدىگى مەن ءال- اۋقاتىن قامتاماسىز ەتەمىز»، - دەپ قورىتىندىلادى سپيكەر.

سوڭعى جاڭالىقتار