TikTok نەگىزىن قالاۋشى قىتايدىڭ ەڭ باي ادامى بولدى

 استانا. KAZINFORM - ByteDance كومپانياسىنىڭ نەگىزىن قالاۋشى 41 جاستاعى جان يمين قىتايداعى ميللياردەرلەر رەيتينگىندە كوش باستادى.

ونىڭ بايلىعى 49,3 ميلليارد دوللارعا باعالانعان، دەپ حابارلايدى Kazinform نىڭ مەنشىكتى ءتىلشىسى.

ByteDance ءتىڭ تابىسى وتكەن جىلى 30 پايىزعا ءوسىپ، 110 ميلليارد دوللارعا جەتتى، ال ا ق ش- تاعى TikTok قوسىمشاسىن پايدالانۋشىلار سانى 200 ميلليونعا جاقىندادى.

بوتەلكەدەگى سۋ ءوندىرىسى بويىنشا ماگنات، 70 جاستاعى جۋن شانشان سوڭعى ءۇش جىلدا العاش رەت ءبىرىنشى ورىننان ەكىنشى ورىنعا سىرعىدى

ءۇشىنشى ورىندا - Tencent نەگىزىن قالاۋشى پوني ما. ونىڭ داۋلەتى 44,4 ميلليارد دوللارعا بالاعالانعان. وتكەن جىلدىڭ سوڭىنا قاراي WeChat قوسىمشاسىن پايدالانۋشىلار سانى 1,3 ميللياردقا جەتتى.

HuRun نۇسقاسى بويىنشا، قىتايداعى دوللارلىق ميللياردەرلەر سانى 142 گە ازايىپ، 753 ادامدى قۇراعان.

بۇعان دەيىن تانىمال الەۋمەتتىك جەلىنى رەسەيدە بۇعاتتاۋ ۇسىنىلعان بولاتىن. ال قىرعىزستاننىڭ مادەنيەت، اقپارات، سپورت جانە جاستار ساياساتى مينيسترلىگى ەل اۋماعىندا TikTok الەۋمەتتىك جەلىسىن بۇعاتتاۋ تۋرالى شەشىم قابىلدادى. قازاقستاندا دا رەسۋرستى بۇعاتتاۋ تۋرالى پىكىرتالاستار ءجۇرىپ جاتىر. ءوزىنىڭ دەپۋتاتتىق ساۋالىندا سەناتور الىشەر ساتۆالديەۆ TikTok پلاتفورماسىندا جاعىمسىز كونتەنتتىڭ تارالۋى ماسەلەسىن كوتەردى. ءماجىلىس دەپۋتاتى ەرلان سايروۆ تا قازاقستاندىقتاردىڭ TikTok قولدانۋىن شەكتەۋگە شاقىردى.

ەۋروپالىق كوميسسيا «سيفرلىق قىزمەت كورسەتۋ تۋرالى» زاڭ (DSA) بويىنشا TikTok قا قارسى رەسمي ءىس جۇرگىزۋدىڭ ەكىنشى راۋندىن باستادى.