TikTok ا ق ش اۋماعىندا قىزمەتىن توقتاتتى
استانا. قازاقپارات - TikTok ا ق ش- تاعى قىزمەتىن توقتاتتى، دەپ حابارلايدى شينحۋا اگەنتتىگى.

بەلگىلى بولعانداي، 19-قاڭتار كۇنى TikTok ا ق ش- تىق قولدانۋشىلارعا: «كەشىرىڭىز، TikTok-تى قازىر پايدالانۋ مۇمكىن ەمەس. امەريكا قۇراما شتاتتارى TikTok-تى پايدالانۋعا تىيىم سالاتىن زاڭ قابىلدادى. وكىنىشكە قاراي، بۇل قازىرشە TikTok-تى قولدانا المايتىنىڭىزدى بىلدىرەدى. ءبىراق جاقسى جاڭالىق تا بار: پرەزيدەنت قىزمەتىنە كىرىسۋگە دايىن وتىرعان دونالد ترامپ TikTok-تى قايتا قولدانىسقا ەنگىزۋدىڭ جولىن تابۋ ءۇشىن بىزبەن بىرگە جۇمىس ىستەيتىنىن مالىمدەدى. جاڭالىقتاردى باقىلاپ وتىرىڭىز!» دەگەن حابارلاما جىبەرگەن.
قىتايلىق ب ا ق- تاردىڭ جازۋىنشا، TikTok - تىڭ يەسى — ByteDance كومپانياسىنا تيەسىلى CapCut ،Lemon8 ،Gauth جانە Hypic قوسىمشالارىنىڭ دا ا ق ش- تىق قولدانۋشىلارعا قىزمەت كورسەتۋدى ۋاقىتشا توقتاتقانى تۋرالى حابارلاما جىبەرىلگەن.
17-قاڭتار كۇنى ا ق ش- تىڭ جوعارعى سوتى «TikTok-قا تىيىم سالۋ» تۋرالى زاڭدى قولداۋعا شەشىم شىعاردى. بۇل اتالعان زاڭنىڭ 19-قاڭتاردا كۇشكە ەنۋىنە رۇقسات بەرىلگەنىن بىلدىرەدى. جوعارعى سوت شەشىم قابىلداعاننان كەيىن بايدەن ۇكىمەتى مالىمدەمە جاساپ، «TikTok ا ق ش- تىقتار ءۇشىن قولجەتىمدى بولۋعا ءتيىس»، ءبىراق ونىڭ مەنشىك قۇقىعى ا ق ش- قا نەمەسە ا ق ش- تىڭ كوڭىلى تولاتىن باسقا ءبىر تاراپقا تيەسىلى بولۋى كەرەك دەپ اتاپ كورسەتتى.
- ۋاقىتتىڭ تىعىزدىعىنا بايلانىستى، زاڭدى ىسكە اسىرۋ مىندەتى كەلەسى ۇكىمەتتىڭ موينىنا جۇكتەلەدى، - دەلىنگەن ءتيىستى حابارلامادا.
دونالد ترامپ 18-قاڭتار كۇنى جۋرناليستەرمەن جۇزدەسكەندە پرەزيدەنتتىك قىزمەتكە كىرىسكەننەن كەيىن TikTok-قا قاتىستى تىيىمنىڭ ورىندالۋىن 90 كۇنگە كەيىنگە شەگەرۋى مۇمكىن ەكەنىن ايتتى.
2024-جىلعى ساۋىردە ا ق ش پرەزيدەنتى دجو بايدەن كونگرەستىڭ ەكى پالاتاسى بىردەي ماقۇلداعان زاڭ جوباسىنا قول قويدى. وسى زاڭعا سايكەس، ByteDance كومپانياسى 270 كۇن ىشىندە TikTok-تى قىتايلىق ەمەس كومپانياعا ساتۋعا مىندەتتى. ولاي بولماعاندا، TikTok قوسىمشاسى 2025-جىلدىڭ 19-قاڭتارىنان كەيىن ا ق ش- تا شەكتەلەدى.
قىرعىزستاندا TikTok جەلىسىنىڭ جۇمىسىنا تىيىم سالىناتىنىن جازعان بولاتىنبىز.