قازاقستاندىق بوكسشىنى بەدەلدى The Ring جۋرنالى «جىل جوباسى» دەپ تانىدى

نۇر-سۇلتان. قازاقپارات - ءبىرىنشى ورتا سالماقتاعى قازاقستاندىق بوكسشى، WBC Asia جانە WBC Youth World تيتۋلدارىنىڭ يەگەرى سادريددين احمەدوۆتى بەدەلدى The Ring جۋرنالى «جىل جوباسى» ماراپاتىنا لايىق دەپ تاپتى، دەپ حابارلايدى قازاقپارات قازاقستاننىڭ كاسىپقوي بوكسىنا سىلتەمە جاساپ.

تانىمال ينسايدەر مايكل بەنسوننىڭ اقپاراتى بويىنشا، احمەدوۆتەن بولەك بۇل پرەميانىڭ نومينانتتارى تىزىمىندە اعىلشىندىق دانيەل ديۋبۋا، امەريكالىقتار دجارون ەننيس پەن ۆيردجيل ورتيس- كىشى، سونىمەن قاتار وزبەكستاندىق بوكسشى يسرايل مادريموۆ بار.

احمەدوۆ ءوزىنىڭ سوڭعى جەكپە-جەگىن جەتىنشى جەلتوقسان كۇنى مونرەالدا حوسە انتونيو ۆيليالوبوسقا (12-6-2, 7 ك و) قارسى وتكىزىپ، جەتىنشى راۋندتا ارگەنتينالىق بوكسشىنى جاعىنان ۇرىپ، نوكاۋتقا ءتۇسىردى.