تەحاستا ايەل شىركەۋ ىشىندە وق جاۋدىردى

استانا. KAZINFORM - حيۋستوندا پوليتسيانىڭ ەكى قىزمەتكەرى جەكسەنبى كۇنى ا ق ش- تاعى ەڭ ءىرى يەۆانگەليالىق شىركەۋلەردىڭ ءبىرى لەيكۆۋد ىشىندە وق جاۋدىرعان ايەلدى ءولتىردى، دەپ حابارلايدى Reuters.

«جانىنا 5 جاسار بالانى ەرتىپ كەلگەن شامامەن 30 جاستاعى قارۋلى ايەل شىركەۋگە كىرىپ، وق جاۋدىردى»، - دەدى جەكسەنبى كۇنى تىلشىلەرگە حيۋستون پوليتسياسىنىڭ باسشىسى تروي فيننەر.

ونىڭ ايتۋىنشا، ايەل يسپان تىلىندە عيبادات ەتۋگە دايىندالىپ جاتقان شىركەۋدە ەشكىمگە زيان كەلتىرمەس بۇرىن ولتىرىلگەن. ەكى ادام جاراقات الدى، ونىڭ ىشىندە ايەلمەن ەرىپ كەلگەن بالا بار.

بالا اۋرۋحاناعا جەتكىزىلدى، ونىڭ جاعدايى وتە اۋىر. ەر ادام اياعىنان جاراقات الىپ، قازىر ەم الىپ جاتىر.