تەحاس تاريحتاعى ەكىنشى ۇلكەن ورمان ورتىمەن كۇرەسۋدە

 تەحاس. KAZINFORM – ا ق ش- تىڭ تەحاس شتاتىندا ءورت سوندىرۋشىلەر شتات تاريحىنداعى ەڭ ءىرى ورتتەردىڭ ءبىرىن اۋىزدىقتاۋعا تىرىسىپ جاتىر.

قۇتقارۋشىلار ادامداردى ەۆاكۋاتسيالاۋدا. ورمان ءورتى ءورشىپ تۇر، دەپ حابارلايدى Al Jazeera.

تەحاستىڭ AM ورمان قىزمەتى پانحاندلداعى ءورتتىڭ نەبارى 3 پايىزى عانا اۋىزدىقتالعانىن اتاپ ءوتتى.

ءورت كەزىندە 83 جاستاعى اجەيدىڭ قايتىس بولعانى راستالدى، ءبىراق جالىن ءالى دە كەڭ اۋماققا قاۋىپ توندىرۋدە، بيلىك زارداپ شەككەندەردى ىزدەستىرىپ، زاقىمدانعان نەمەسە قيراعان كوپتەگەن ۇيلەر مەن باسقا قۇرىلىمداردىڭ سانىن ەسەپتەپ ۇلگەرگەن جوق.

ءورت 1300 شارشى ميلدەن (3370 شارشى شاقىرىم) استام اۋماققا جايىلىپ، كورشى وكلاحوما شتاتىنا تارالدى. شتات تاريحىنداعى ەڭ ءىرى ءورت 2006 -جىلى اماريللو شىعىسىنداعى بولدى، ول شامامەن 1400 شارشى ميلگە (3630 شارشى شاقىرىم) تارادى جانە 13 ادام قازا تاپتى.

كۇشتى جەل سالدارىنان جالىن ۇلكەيىپ، ءتۇتىن جۇزدەگەن فۋت بيىكتىككە كوتەرىلدى. بيلىك ءورتتىڭ نەدەن شىققانىن مالىمدەگەن جوق، ءبىراق قاتتى جەل، قۇرعاق ءشوپ جانە مەزگىلسىز جىلى تەمپەراتۋرا ءورتتىڭ شىعۋىنا ىقپال ەتكەنى ايتىلۋدا. 13000 عا جۋىق ادام تۇراتىن بورگەر جانىندا توتەنشە جاعدايلار قىزمەتكەرلەرى Facebook تە سەيسەنبى كۇنى كەشكە ۇرەيلەنگەن تۇرعىنداردىڭ سۇراقتارىنا جاۋاپ بەردى جانە ەۆاكۋاتسياعا دايىن بولۋلارىن سۇرادى.

الداعى كۇندەردە اۋا رايى سالقىنداۋ بولىپ، جەل باسىلىپ، جاڭبىر جاۋۋى مۇمكىن دەگەن بولجام ءورت سوندىرۋشىلەرگە ءۇمىت بەرگەندەي.